Македонскиот стрип промовиран во Ваљево, Србија
Изминатиот викенд македонската стрип-сцена беше претставена во Србија, преку изложбата „Македонски стрип“, во галеријата на Центарот за култура во Ваљево. Изложбата е дел од официјалната програма на третиот „Ваљевски стрип-фестивал“. На неа со свои дела мегу другите беа застапени и велешаните : Лазар Ангелков, Оливер Цветковски, Васил Гаврилов, Трајков и Илко Стојановски . Селектор и промотер на македонските стрипови беше Томе Трајков, координатор на Стрип-центарот на Македонија и на Меѓународниот салон на стрип во Велес,којшто присуствуваше како специјален гостин на овој фестивал.
– Избрани се стрипови од разни генерации, меѓу кои и на прерано починатиот бард на македонскиот стрип Љупчо Филипов. Доминираа стрипови од актуелните македонски автори што изложувале на Меѓународниот стрип-салон во Велес и во магазинот „Креатор“, единственото постојано стрип-издание кај нас ,рече Трајков.
Ова е едно од ретките групни организирани претставување на македонската стрип-сцена надвор од државните граници. Последен пат македонскиот стрип гостуваше во странство во 2013 година, кога во Лесковац, на Балканската смотра на млади стрип-автори, беше поставена изложбата насловена „Македонскиот стрип денес“.
Патем ,македонскиот стрип е застапен и меѓу наградените на стрип конкурс кадешто пристигнаа дела на 103 автори од 11 земји (Босна и Херцеговина, Бугарија, Канада, Литванија, С.Македонија, Романија, Русија, Србија, Унгарија, Уругвај и Црна Гора)
Стрипот „Си беше еднаш еден човек“ на сценаристот Александар Стеванов од Штип и илустраторот Дарко Богданов од Виница е прогласен за најдобар во категоријата „раскажување“. Меѓу наградените е Златко Крстевски од Прилеп,кој беше прогласен за најдобар во категоријата „Општествен ангажман“./У.Ј