Признанието „Љупчо Филипов“ годинава за велешанецот Томе Трајков
Велешанецот Томе Трајков, проект координатор во Стрип центар на Македонија е добитник на овогодинешното Признание за развој и афирмација на македонскиот стрип , што го носи иметео на прерано починатиот бард на македонската стрип сцена Љупчо Филипов.. Доделувањето на ова признание е составен дел од активностите во склоп на Меѓународниот стрип салон ,што се одржува секоја година во средината на октомври во Велес. Стрип центарот на Македонија – Велес како организатор на целокупната манифестација, ова признание го наменува за заслужни домашни дејци за развојот и афирмацијата на 9-та уметност кај нас.
Досегашни добитници на ова признание се: Миле Топуз-стрип автор, Диме Иванов Димано-стрип автор, Александар Сотировски –стрип автор, Ване Трајков -промотер, поранешната групација „Тајфа Арт“-тогаш млади автори и подоцнежни основачи на нови стрип асоцијации, Томислав Османли-стрип хроничар и сценарист, Дарко Марковиќ, Киро Донев-директор на МЛАД БОРЕЦ, редакцијата „Детска радост“, Оливер Ромевски-стрип сценарист и промотер , Стрип книжарницата „Бункер“и „ОСТЕН“- Галерија и списание. Во образложението се нагласува дека воопшто не претставувало пречка податокот дека Македонскиот стрип центар доделува признание на човек од својот персонал. Напротив , Томе Трајков со неговото повеке од децениско ангажирање во СЦМ оствари големи резултати во интерес на македонската стрип сцена ,како што се: -создавањето на стрип мостови помеѓу македонската и околните стрип сцени, преку постојан контакт со странски и други донатори. Интернационалните проекти како на пример „Балкански стрип мост“, потоа на два пати добиените признанија од страна на косовската стрип сцена, како и повикот да биде член на жирито на првиот воопшто организиран стрип настан во Албанија се само еден показател за заслугите на Трајков.
Преку негово залагање македонската стрип сцена имаше можност да се сретне и со светски познати стрип автори како Џамал Ајгл од ДЦ Комикс, Мауро Лоренти, еден од цртачите кои го цртаат Загор), Кан Такахама од Јапонија , легендарниот издавач Ервин Рустемагиќ , белгиската стрип сцена и многу други. Тој допринесе и за ширење на 9-та уметност низ разни градови, освен Велес и Скопје како главен град, СЦМ организира стрип изложби и во други градови , драстично е зголемен бројот на македонски стрип автори кои испраќаат свои стрипови на конкурсите во Македонија и пошироко. Работи на јакнење на комуникацијата со институциите со акцент на подобро место на стрипот во донесувањето и практичната имплементација на Стратегијата за култура на Република Македонија ,што доведе до доста зголемен број на финансирани стрип проекти, започнување на процесот на примена на стрипот во социјалната сфера што е реализирано преку проекти од интеретничка и друга сфера,овие искуства и можности веке се превземаат од страна на некои младински организации.