Илон Маск: Човек ќе слета на Марс за шест или четири години
Објавено на 2 декември, 2020 во 09:27
02.12.2020
Американскиот технолошки претприемач Илон Маск, кој управува со „Тесла“ и „Спејс-Икс“, смета дека првиот човек на Марс ќе слета за шест години.
За две години ќе се обидеме да испратиме вселенски брод без екипаж, додава Маск.
Тој го сподели своето мислење на доделувањето на наградите „Аксел Спрингер“, што истоимената медиумска група им ги доделува на авторите на иновативни идеи што влијаеле на општеството. Маск истакна и дека под поволни услови, првиот човек може да стигне до Црвената планета за четири години.
Мите Јаначков