Submit to FacebookSubmit to Google PlusSubmit to TwitterSubmit to LinkedIn

astrolog fin

Бидејќи стравот од коронавирус се шири побрзо од болеста, а луѓето, на глобално ниво, поставуваат повеќе прашања отколку што добиваат одговори, астролозите со своите предвидувања „прочитани“ од ѕвездите, во овој период се во центарот на вниманието.

Дури и најголемите скептици во ова време на коронавирусот, ѝм обрнуваат внимание на астролошките прогнози. Ништо не може да го илустрира ова подобро од еден коментар објавен под видеото на индискиот астролог Ашиш Мехта, постирано на Јутјуб, каде скептичниот слушател вели дека до сега не ја сфаќал астрологијата сериозно, но овојпат сака да биде вистина тоа што го зборува Мехта.

Астрологот Мехта, кој е еден од најпочитуваните астролози во Азија поради неговите досегашни прецизни прогнози, предвидува дека работите со ситуацијата околу коронавирусот ќе почнат полека да се расчистуваат почнувајќи од 24 март, благодарение на планетарните движења, а првите резултати ќе почнат да се чувствуваат до 30 март.
Мехта предвидува дека од 13. април, а особено со затоплувањето на времето, ситуацијата ќе биде подобра, лекот за коронавирус ќе биде одобрен и светот полека, но сигурно, потоа ќе се враќа во нормалност.

– Деновиве многу луѓе прашуваат за коронавирусот. Од љубопитност или од страв, сите прашуваат сега што следно? “ вели Мехта. – Секој вирус се раѓа од конјукциите на Раху или Кету ( според индиската астрологија – невидливи планети што застануваат на патот на движењето на Сонцето и Месечината, н.з), а поради комбинацијата на Гуру (Јупитер) и Кету, ова станува уште поинтензивно, вели астрологот.

Мехта укажува на планетарните позиции за ширење на коронавирусот од Кина до останатиот дел на светот.

– Но, за среќа, на 30 март, Гуру го напушта сојузот со Кету и влегува во Јарец. Тоа значи дека после 30 март, сите ќе бидеме ослободени од ефектите на коронавирусот. Оваа промена ќе започне од 14 часот и 58 минути на 24 март, објаснува Мехта.

Според некои астролози пак, од Обединетите Арапски Емирати, сепак, за целосно ослободување од коронавирусот, ќе треба да почекаме малку подолго.

Астрологот Бхаргава од Дубаи предвидува дека ситуацијата со коронавирусот во светот ќе се смири на 11. мај. Она што сега се случува, го припишува на транзициите на Сатурн (на 18. септември минатата година и на 24. јануари оваа година) и на Јупитер на 5. ноември. Според Бхаргава, овие транзиции го објаснуваат колективниот пресврт. На овие планети ја додава и планетата Марс, сместена во куќата на Скорпија, која управува со физичкото и менталното здравје. Целата оваа планетарна поставеност, според Бхаргава, предизвикува несреќи кои можат да бидат природни или вештачки создадени.

Друг пак, астролог, исто така од Дубаи, Упендра Шастри, вели:

– Кету е главниот фактор за создавање на коронавирусот. Астролошкото влијание за појава на вирус всушност започнало на 5. ноември 2019 година, кога планетата Јупитер влезе во куќата на Стрелец.

Според Шастри, комбинацијата на Кету, Јупитер и Стрелец предизвикала појава на вирус. Планетата Јупитер пак (која предизвикува ширење), предизвикала коронавирусот со голема брзина да се прошири низ светот.

Лекот за ситуацијата овој астролог го гледа во транзитот на Јупитер во Јарец од 30 март до 30 јуни.

– Кога тоа ќе се случи, Јупитер ќе стане слаб, па и коронавирусот веројатно ќе стане слаб и во обој период ќе го видиме лекот за вирусот. Исто така, во овој период ќе се намали негативното влијание на вирусот. Работите ќе имаат позитивен пресврт од мај па натаму, смета Шастри.

Симона Бруни, познат италијански астролог, предвидува дека светлина на дното на тунелот ќе видиме околу 20 март, кога Месечината ќе биде во знакот на Јарец, со транзит на Јупитер и благодарение на конјукцијата со Марс и Јупитер. На крајот на март, со влегувањето на Сатурн и Марс во знакот на Водолија, ќе може да се земе мала воздишка. Сатурн и Марс кога нема да бидат веќе во Јарец, туку ќе преминат во Водолија, ќе донесат нови промени што полека ќе нè носат кон нов историски и животен циклус. Уран (планетата на промените) ќе биде во Бик, кој, исто така, ја нагласува бавноста, и затоа ситуацијата ќе се подобри кога ќе се формираат други, похармонични планетарни аспекти на астролошкото небо што треба да се случат, според Бруни, околу 23 март.

– Треба да се внимава кога Сонцето ќе влезе во знакот на Бик, на 19 април, затоа што ќе биде во конјукција со Уран и Меркур (ќе влијае на дишните патишта и белите дробови), – нагласува таа и додава да бидеме внимателни до крајот на април.

Бруни смета дека со 19 април се поврзува нов удар на коронавирусот, кој ќе биде последен, пред вирусот конечно да исчезне.

– Ефектите на коронавирусот нема да исчезнат волшебно и последиците ќе ги чувствуваме подолго време. Сатурн и Јупитер, и двете планети ќе престојуваат во знакот на Водолија на крајот на 2020 година и ќе донесат свеж воздух во многу области, дури и на глобално ниво до 2023 година.

 

 

SEMM baner MK

lifer gif 300x250 Duma

 

Duma Banner

ezgif.com video to gif1

baner i od veles se moze

E baner

Konsalting Jovevi

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен велосипед (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен велосипед за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен велосипед за 2020 година

 

  1. Опис на јавниот повик

 

Општина Велес на физичките лица кои ќе купат велосипед од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување велосипед.

На барателот ќе му се надоместат дел од трошоците направени при набавка на велосипед во висина од 50% од вредноста на велосипедот, но не повеќе од 3.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат велосипед од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на велосипед, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на велосипед од било кој извор во Република Северна Македонија (не го искористил правото на субвенционирање по овој основ),
  • велосипедот да го купил од денот на објавување до денот на завршување на Jавниот повик, односно до исцрпувањето на буџетот за оваа намена,
  • купениот велосипед да не биде помал од 24” (инчи), односно 60,96 санитметри, односно да одговара на популација деца кои не се помали од 8-9 години.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • фотокопија од трансакциска сметка на барателот,
  • доказ дека е извршено купување на велосипед и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на Jавниот повик, односно до денот на исцрпување на средствата по овој основ,
  • изјава дека барателот нема искористено право на поврат на средства за набавка на велосипед на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината).

            Едно физичко лице може да поднесе само едно барање за добивање на субвенција за еден велосипед.

Барањето за надоместување на дел од трошоците  за купен велосипед, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување велосипед”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен велосипед.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

Градоначалникот на Општина Велес на предлогот на Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето. Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на јавниот повик за барателите кои не ги исполниле условите од јавниот повик.

 

 

 

                                                                   ОПШТИНА ВЕЛ

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен сончев термален колектор (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен сончев термален колектор за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен сончев термален колектор

за 2020 година

 

  1. Опис на јавниот повик

 

Општина Велес на физичките лица кои ќе купат сончев термален колектор од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување сончев термален колектор.

На барателот ќе му се надоместат дел од трошоците направени при набавка на сончев термален колектор во висина од 50% од вредноста на сончевиот колектор, но не повеќе од 20.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат сончев термален колектор од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на сончев термален колектор, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на сончев термален колектор од било кој извор во Република Северна Македонија (не го искористил правото на субвенционирање по овој основ),
  • сончевиот термален колектор да го купил од денот на објавување до денот на завршување на јавниот повик, односно до исцрпувањето на буџетот за оваа намена,
  • сончевиот термален колектор да биде инсталиран на адресата на живеење наведена во личната карта на барателот,
  • станбениот објект да не е во фаза на градба и во него барателот да живее,
  • само едно лице од домаќинството може да поднесе барање за добивање на надоместок.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • изјава дека барателот и членовите на неговото семејство/домаќинство немаат искористено право на поврат на средства за набавка на сончев термален колектор на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината),
  • фотокопија од трансакциска сметка на барателот,
  • доказ дека е извршено купување на сончев термален колектор и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на јавниот повик, односно до денот на исцрпување на средствата по овој основ,
  • потврда за платен данок на имот за станбениот објект каде е инсталиран сончевиот термален колектор заклучно со претходната година пред објавување на јавниот повик.

Барањето за надоместување на дел од трошоците за купен сончев термален колектор, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување сончев термален колектор”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен сончев термален колектор.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

По секое поединечно комплетно барање, Комисијата врши увид дека колекторот е купен и инсталиран во живеалиштето според личната карта на барателот, дека станбениот објект не е во фаза на градба и во него барателот живее.

Барателот е должен да и овозможи пристап на Комисијата до станбениот објект и просторот каде е инсталиран сончевиот термален колектор.

Од извршениот увид Комисијата изготвува записник со приложена фотодокументација.

Градоначалникот на Општина Велес на предлог од Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето.

Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на Јавниот повик за барателите кои не ги исполниле условите од овој Јавен повик.

 

 

 

                                                                    ОПШТИНА ВЕЛЕС

 
   
   
   
   

Најново