Облачно, студено и со нови снежни врнежи
Објавено на 10 јануари, 2017 во 08:34
Претежно облачно и студено време со повремени локални врнежи од снег со слаб до умерен, понекаде и со умерен интензитет. Ваков ден не очекува денеска. Врнежите ќе бидат повеќе застапени во јужните и во источните предели.
Минималните температури ќе се движат во интервал од -19 до -8 додека на повисоките планини истите ќе се спуштат под -20 степени.
Максималните температури ќе се движат во интервал од -10 до -2 степени.
Прогнозите велат дека студеното време со ниски поларни температури ќе се задржи неделава ама и следнава кога се очекуваат повторно снежни врнежи.
За десетина дена температурите ќе бидат во благ пораст и ќе се движат над нулата, односно околу 3 степени во Скопје. Во текот на денот и утре се очекуваат нови снежни врнежи.