СЈО утре објавува нова истрага „Трезор“
Објавено на 27 септември, 2016 во 13:46
Специјалото јавно обвинителство за утре во 10 часот закажа прес конференција на која презентирана новата истрага која носи работен назив „Трезор“.
На 15 септември, на годишнината од формирањето на СЈО, Обвинителството презентираше две обвиненија поднесени до Кривичниот суд.
Првото обвинение e за уништување на докази за прислушувањето, за кое СЈО товари 7 лица, а второто обвинение, се однесува на нарачаното насилство врз градоначалникот на општина Центар Андреј Жерновски за време на седница на општинскиот Совет, кога се случи протест пред Општината.
Двете обвиненија ќе се поднесат по скратена постапка, a oд СЈО велат дека очекуваат осудителни пресуди.
Извор: Новатв.мк