Тамара Чаусидис: Доколку влезете во лажен синдикат ќе добиете лажна помош“
Во Македонија е формиран нов „Независен Синдикат на Новинари во Македонија“ каде главни членови ќе бидат претставниците на неколку медиуми и портали како Курир, Сител, Република и ТВ Нова.
Претседателката на Самостојниот синдикат на новинари и медиумски работници вели дека членството во лажен синдикат, значи и лажна помош.
„Ниту се чувствуваме загрозени, ниту чувствуваме потреба да коментираме на нов новинарски синдикат. Имаат членови, имаат мисија нека си ја извршуваат. Она што е битно е колегите да знаат дека членувањето во синдикатот е доброволно, доколку влезете во лажен синдикат ќе добиете лажна помош“, изјави Тамара Чауисидис од ССНМ.
Инаку, Самостојниот синдикат на новинари и медиумски работници постои веќе 6 години, додека пак Независниот Синдикат на новинари ќе функционира паралелно со постојниот.
Според Централниот Регистар, прв човек на Независниот Синдикат на новинари е избран Градимир Марковски, кој е уредник во ТВ Нова. Не одговараше на повиците на ТВ21. Членови се и Ивона Талевска од Сител, Билјана Бабиќ од Република и Ивана Ефремовски од порталот Курир.
Овие промени доаѓаа во момент кога работните групи на четирите политички партии потписнички на „Пржино 2„ дискутираат за избор на главен уредник во МРТВ, 5-те членови на ад-хок тело за мониторирање на работата на медиумите пред изборите.
Извор: Локално.мк