Mладиот надежен четиринаесет годишен кошаркар Андреј Ковиловски е единствен велешанец кој ќе биде дел од проектот „Заедно до М16“ на Кошаркарската федерација на Македонија. Ковиловски заедно со уште 29 селектирани кошаркари ќе учествува на Меѓународниот камп во Костанца, Романија што ќе се одржи во период од 28 Август до 02 Септември годинава.

Актуелниот претседател на Синдикатот на фудбалери и поранешен фудбалер Панче Ќумбев е сертифициран тренер за откривање на наместени натпревари. Тој сертификатот го доби деновиве откако претходно посети обука што се одржа во Букурешт заедно со првите синдикалци во фудбалот на земјите од Европа кои се членки на ФИФА. Обуката беше реализирана под покровителство на ФИФА, на Интерпол и на ЦИА, кои на светско ниво ја започнаа кампања „Немој да местите фудбалски натпревари“.

Се комплетира Градскиот ракометен клуб Борец во Велес. Пикерот Игор Павловски од Свети Николе и центар играчот Бобан Андовски од Скопје се новото засилување на велешките ракометари. Тие од денеска и официјално станаа членови на клубот со кој потпишаа едногодишен договор. Триесет и пет годишниот Павловски доаѓа од Ракометниот клуб Радовиш каде играл на пикерската позиција. Дваесет и седумгодишниот Андовски пак доаѓа од РК Вардар Јуниор каде играл на позицијата лев бек.

Младиот ракометен ас Антонио Јаневски е велешанец кој макотрпно гради успешна спортска кариера. Тој е матурант на прва генерација на Спортската академија во Скопје. Во изминатите четири години младото момче, посветено на спортот и образованието, беше дел од ракометна паралелка на спортската гимназија „Методија Митевски Брицо“. Но воопшто не и е непознат на велешката спортска јавност бидејќи пред да седне во средношколската клупа Јаневски две години ги бранеше боите на клубот „Велес 2009“. Неговиот талент беше пресуден за првиот трансфер во младинската екипа на ракометниот клуб “ Борец“ додека постигнувањата на теренот и полнењето на противничките голови пак за преминување во младинската екипа на РК “ Вардар“ . Сега кога зад себе ја има и титулата најдобро лево крило на Ф 4 Јаневски треба да одлучи и тоа брзо каде ќе ја продолжи сопствената спортска кариера. Со него деновиве разговаравме и токму со таа тема го започнавме разговорот.

Градски одбојкарски клуб Борец е формиран во Велес. Процедурата е веќе завршена а зад него со финансиска поддршка ќе стои општина Велес. Според градоначалникот Славчо Чадиев најпрво ќе се работи на тоа клубот да застане на здрави нозе, а потоа да се развива и да реди успеси. Тој не ја исклучува можноста клубот да биде еден од најдобрите во домашното првенство и за три до четири сезони да освои еден од трофеите во шампионатот.

Ракометарите Ивица Илиев и Миле Ордев се новото засилување на Градскиот ракометен клчуб „Борец“ од Велес. По неколку годишно отсуство во матичниот клуб се вратија на позициите лев и централен бек.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

О Г Л А С

                        за избор на 20 судии-поротници во Основен суд Велес

  1. Кандидатот за судија - поротник потребно е да ги исполнува следните услови:
  1. да е полнолетен државјанин на Република Северна Македонија
  2. да има завршено најмалку средно образование
  3. активно да го владее македонскиот јазик
  4. да ужива углед за вршење на функцијата судија-поротник
  5. да не е постар од 60 години.

            II.За судија-поротник не може да биде избрано лице кое со судијата или судијата-поротник во истиот суд е во сродство во права линија или во странична линија до трет степен или е негов брачен другар, ниту лице кое со член на Судски совет на РСМ е во сродство во права линија или во странична линија до трет степен или е негов брачен другар.

            III.Заинтересираните кандидати потребно е да поднесат пријави и документи и тоа:

            -Диплома за завршено образование (оригинал или заверена на нотар),

            -Уверение за државјанство,

      -Потврда од казнена евиденција (издадена од суд според местото на раѓање).

            IV.Пријавата со потребните документи да се достават до Основен суд Велес (на приемна писарница или преку пошта со препорачана пратка) на адреса ул.„8-ми Септември“ бр.53, во рок од 15 дена од објавувањето на огласот.

                                                                                                   ОСНОВЕН СУД ВЕЛЕС

 
   
   
   
   

Најново