Реми на натпреварот ФК „Борец“ – ФК „Вардар“
Натпреварот меѓу Борец и Вардар почна со минута молчење, во знак на почит кон поранешниот голман на двата клуба, Зоран Паунов. Во негова чест, од денеска градскиот стадион во Велес и официјално е именуван во „Стадион Зоран Паунов“.
Фудбалерите на Борец успеаа да освојат бод во пресметката со најтрофејниот македонски клуб Вардар откако ремизираа со резултат 0:0. „Црвено-црните“ немаа свој ден, а домаќините играа и со играч помалку, по исклучувањето на Петров во 75-тата минута од средбата.
Она по што ќе остане запамтен овој натпревар во Велес, прв прволигашки по 18 години, се секако и полните трибини со навивачи. Околу 4 илјади велешани го проследија натпреварот за што повеќе медиуми во државата направија споредба дека вкупно толку навивачи немало на преостанатите натпревари во второто коло на Првата македонска фудбалска лига./А.Ј