Создадена како производ од успешната приказна на Центарот за поддршка на невладини организации во Велес, Фондацијата за локален развој и демократија „Фокус“ одбележа една деценија постоење. Нејзините почетоци се поврзани со зајакнување на капацитетите на не така малубројниот граѓански сектор во локалната заедница. „Фокус“ како лидер организација ги помаѓаше граѓанските организации и во нив не гледаше конкуренција туку свои соработници. Сега кога ја одбележува првата декада од своето постоење Фондацијата не крие дека мотивацијата и ја дадоа граѓаните желни за демократија, базирана на принципи на добро владеење и одговорно општество.

Три илјади вакцини против грип има во Центарот за јавно здравје во Велес. Тие се наменети за граѓаните од цел регион кој ги опфаќа градовите Неготино Кавадарци, Демир Капија, Гевгелија и Свети Николе, додека за Велес се обезбедени илјада и двеста дози. Денеска почна вакцинирањето на граѓаните. Вакцината против сезонскиот грип чини 400 денари.

Уште по двајца средношколци и двајца студенти годинава ќе добијат стипендија од општина Велес. За разлика од досегашните 16 годинава ќе се доделат 20 стипендии, 10 за студенти и 10 за средношколци. Општината од буџетот издвои уште 100 илјади денари па сега вкупната сума што ќе биде наменета за стипендирање ќе изнесува 350 илјади денари.

Во последните две години власта на Груевски уништи 405 фирми во Велес, а на улица без работа и исплатени плати и придонеси останаа над 900 вработени луѓе. Со вакви обвинувања на прес конференција излезе велешката опозиција. Затворањето на овие фирми како и неодамнешното ликвидирање на најголемиот производител на леб и бели пецива Жито Вардар, тие го препишаа на како што велат лошите и криминални политики на актуелната власт.

Ќе лежат по четири години во затвор обвинетите Ѓоре Петровски и Блаже Ѓурчиновски за кривичното дело тешки дела против општа сигурност. Апелацискиот суд во Скопје ја потврди пресудата на Основниот суд во Велес и ги прогласи за виновни двајцата обвинети за предизвикување на пожарот во продавница во селото Ореше, во кој изгоре и старата селска амбуланта. Двете осудени лица ќе треба да ја надоместат и предизвиканата штета во пожарот во вредност од 2, 4 милиони денари.

Полицијата треба да работи во функција на граѓаните и да ги штити нивните интереси, а не да се меша во политика. Ова од Велес го порача министерот за внатрешни работи Оливер Спасовски. Особено сега, додаде тој, кога министертсвото има една од клучните улоги за спроведување на фер и демократски избори.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

 
   
   
   
   

Најново