Трендот на намалување на наталитетот во Велес продолжува. Според податоците од матичната служба, во изминатите десет месеци од годинава, во велешката болница се родиле вкупно 550 деца и тоа од општините Велес, Градско, Чашка, Св. Николе, Лозово и Неготино. Споредено со истиот период лани, бројот на новороденчиња е намален за 54. Минатата година на свет дошле вкупно 604 новороденчиња.

Дваесет и шест годишниот Т.М. од Кочани е осомничен за сторено кривично дело неовластено производство и пуштање во промет на наркотички дроги, психотропни супстанци и прекурсори. На 23 март годинава во влез на зграда лоцирана на улица „Славко Ѓорѓиев-Сватот“ во населба Тунел во Велес, полицијата го претресла и кај него пронашла 36 таблети екстази.

Нема заинтересирани фирми кои сакаат заедно со општината да го градат покриениот градски пазар во стариот дел на Велес. Ниту една фирма не се јавила на двата распишани конкурси. Затоа од општината денска соопштија дека тие сами ќе го градат објектот на истото место на кое сега работи пазарот. Изградбата ќе се реализира со пари од локалниот буџет. На веб страницата на општината е достапно идејното решение за изгледот на пазарот проектирано од битолската фирма „Гео Балкан“. Таа била избрана како најповолен понудувач на тендерот што го објавила општината. Градоначалникот Чадиев најави дека во меѓувреме ќе се вршат гео-механичките испитувања на теренот а веќе ги имале и првите наоди за квалитетот на почвата.

За ги поттикнат граѓаните да излезат на предвремените парламентарни избори закажани на 11 декември, годинава,особено оние кои во последните изборни циклуси предпочитаа да апстинираат, како и за да ги охрабрат да гласаат по сопствено лично убедување, граѓанските активисти на акцијата „Ние одлучуваме“ денеска го посетија Велес. Нивниот Караван го предводеше шарениот камион кој неколку часови кружеше низ главните улици во Велес додека од опремата што тој ја превезуваше се слушаа звучни пораки преку кои се повикуваа граѓаните на слободно гласање на претстојните избори, регистрирање на злоупотребите на јавните ресурси и институции за изборни цели, како и заканите и заплашувањата кон граѓаните за остварување на избирачкото право.

Над 200 поранешни работници на велешка Порцеланка, со работен статус до 2003 година, синоќа, дојдоа во салата на општина Велес откако нивниот поранешен синдикален лидер Ѕвонко Самарџиев ги покани на средба за да им соопшти дека треба да имаат надеж за исплата на нивните отпремнини. По тринаесет години од отворањето на стечајната постапка во фабриката во која тие работеа Самарџиев им објасни на присутните дека се создадени услови за започнување на преговори со Владата. Особено откако пред три години успеаја да докажат дека кога се затвораше Порцеланка беше во државна а не во приватна сопственост.

Основци од дваесет и пет училишта од исто толку општини во Македонија денеска во локалната библиотека Гоце делчев, се натпреваруваа на тема млади библиотекари. Тие има за задача да одговорат на 25 прашања кои се однесуваа на историјата на библиотекартсвото и стручното работење на библиотекарите. Натпреварот го организира Здружението на библиотекари на Македонија.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

С О О П Ш Т Е Н И Е  З А  Ј А В Н О С Т

            Општина Велес ја информира јавноста дека, третото авионско тертирање против комарци ќе го изврши на ден 14 август (петок) 2020 год. во периодот од 0500 до 0630 часот. Доколку временските услови не дозволуваат авионско прскање истото ќе се изврши наредниот ден, 15 август (сабота) 2020 год.

            Границата, на третирањето е: Езеро Младост, с. Отовица, месност Јарбош, по течението на Вардар од север од с. Башино село низ Велес, се до вливот на реката Бабуна и с. Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и с. Горно Оризари.

Со третирањето ќе биде опфатено целото градско и приградско подрачје, како и целото течение на реката Вардар на овој потег. И оваа година ќе се третира рекреативниот центар Езеро Младост со непосредната околина.

Се известуваат пчеларите во времето на третирање и 3-4 часа потоа да ги затворат кошниците со пчели, заради можноста од влијание на средството со кое се врши третирањето врз безбедноста на пчелните семејства.

           

                                                                                    Градоначалник

                                                                                    на Општина Велес,

                                                                                    Аце Коцевски

 
   
   
   
   

Најново