Велешките екологисти се против соголувањето на зелените површини во градот и најостро се спротивставуваат на масовното сечење дрвjа што деновиве се прави на повеќе површини низ градот. Со вакво протестно писмо до медиумите излезе Еколошкото друштво „Вила Зора“ откако вчера и во изминатите неколку дена, револтирани граѓани реагирале во нивната канцеларија за масовната сеча. Во текот на вчерашниот ден граѓани се пожалиле дека дрва се сечат во паркот пред Здравствениот дом, а неодамна и покрај пругата Велес-Битола кај Нова населба.

Преку директни средби со граѓаните на Велес, Фондација Фокус ја промовираше веб алатката www.prioriteti.focus.org.mk на која тие ќе можат да ги доставуваат своите предлози и можни решенија. Вработените на Фокус на лице место им објаснуваа на заинтереесираните граѓани како можат да влезат на веб апликацијата и да го вметнат својот предлог. Таму тие можат да го напишат својот предлог, да стават фотографија или пак видео за одреден проблем.

Неисправна за пиење е водата од речиси сите природни чешми кои се наоѓаат на територијата на Велес и околните населени места. Ова го покажуваат резултатите од последните испитувања на водите што во јули годинава ги направи службата на Центарот за јавно здравје.

Со свои предлози за актуелни проблеми од месната или урбаната заедница во која живеат, граѓаните на Велес може да учествуваат во развојот на општината и да ја направат подобро место за живеење. Доколку граѓаните сметаат дека може да се направи нешто повеќе во нивната околина како на пример асфалтирање на улица, поставување на фекална и атмосферска канализација, поставување на улично осветлување, нова зелена површина, најдоцна до 16 овој месец предлозите можат да ги поднесат на веб страницата на општина Велес, www.veles.gov.mk или пак во хартиена форма да ги достават во просториите на општината. Токму затоа Фондација за локален развој и демократија Фокус ги повикува граѓаните да ги достават своите предлози до општината и на тој начин истите да влезат во нацрт програмите за работа на општината за следната 2017 година.

Срушени и напукнати ѕидови, оштетени тавани и санитарен чвор. Ова се штетите од синоќешниот земјотрес што го стресе Велес и околината. Во Центарот за управување со кризи вчеравечер добиле шест пријави за настанати материјални штети. Земјотресот со јачина од 5,3 степени срушил ѕид на куќа во Башино Село и напукнал неколку ѕидови. Во куќи на улиците „Ристо Попов“ и „Петре Милевски“ во Велес, последиците биле напукнати тавани и ѕидови. Земјотресот се почувствувал и во село Извор, општина Чашка. Таму потресот оштетил носечки ѕид од куќа во должина од 2,5 метри.

Викендов во Велес се одржаа триесет и првите традиционални средби на извидничкиот одред Димитар Влахов. На средбите учествуваа 60 извидници од Прилеп, Скопје, Свети Николе и велешките извидници. Средбите се одржаа во извидничкиот центар Голозинци а тие се одбележаа со натпревари од областа на топографијата и ориентацијата во непознат терен, прва помош и сигнализација.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

О Г Л А С

                        за избор на 20 судии-поротници во Основен суд Велес

  1. Кандидатот за судија - поротник потребно е да ги исполнува следните услови:
  1. да е полнолетен државјанин на Република Северна Македонија
  2. да има завршено најмалку средно образование
  3. активно да го владее македонскиот јазик
  4. да ужива углед за вршење на функцијата судија-поротник
  5. да не е постар од 60 години.

            II.За судија-поротник не може да биде избрано лице кое со судијата или судијата-поротник во истиот суд е во сродство во права линија или во странична линија до трет степен или е негов брачен другар, ниту лице кое со член на Судски совет на РСМ е во сродство во права линија или во странична линија до трет степен или е негов брачен другар.

            III.Заинтересираните кандидати потребно е да поднесат пријави и документи и тоа:

            -Диплома за завршено образование (оригинал или заверена на нотар),

            -Уверение за државјанство,

      -Потврда од казнена евиденција (издадена од суд според местото на раѓање).

            IV.Пријавата со потребните документи да се достават до Основен суд Велес (на приемна писарница или преку пошта со препорачана пратка) на адреса ул.„8-ми Септември“ бр.53, во рок од 15 дена од објавувањето на огласот.

                                                                                                   ОСНОВЕН СУД ВЕЛЕС

 
   
   
   
   

Најново