Грејната сезона е почната а граѓаните на Велес се уште ги немаат добиено огревните дрва од Јавното претпријатие Македонски шуми, подружница Велес. Иако им се платени пред седум месеци, тие се уште чекаат да им ги донесат дома, обвини денеска велешката опозиција. Тие велат дека дрва нема во складот на јавното претпријатие, а недостасувале и во другите градови низ државата. Затоа сметаат дека Македонски шуми, како што велат, се вмешани во криминал со нелегална продажба на огревно дрво, на штета на граѓаните.

Двајца жители на велешко село Горно Оризари, нападнале службеничка од полициската станица за безбедност на патишта и сообраќај. Нападот се случил утрово во пет часот на улица Илинденска, кога полициската службеничка вршејќи ја својата должност, констатирала прекршок од страна на триесет и пет годишниот А.К. кој управувал мопед од непозната марка.

Згасна и Жито Вардар во Велес, еден од најголемите производители на леб, месо и други прехрамбени производи во државата. Доверителите на рочиштето што се одржа во Основниот суд во Велес едногласно одлучија, компанијата да биде ликвидирана. Целиот движен и недвижен имот на Жито Вардар ќе се продава во најскоро време, и тоа во пакети. Според проценката на експертите, вредноста на велешката фабрика е осум милиони и осумстотини и педесет илјади евра. Дури 90 отсто од имотот е под хипотека како залог кај банките. Нивни претставници на рочиштето се изјасниле, подмирувањето на обврските кон нив да биде извршено по рамна постапка со цел да се запази целовитоста на имотот со кој располага фирмата.

Се поголем е бројот на дуќани во Велес со катанец на врата. Само во редот на дуќани лоцирани кај мостот Гемиџии, од десетина, веќе подолго време се затворени шест. Клуч на врата ставија поголем број занаетчии и трговци, особено оние кои работеа во деловни простории сместени во стариот дел на градот и припаѓаат на јавното претпријатие за стопанисување со станбен простор. Слабата економска моќ на велешани е причината за затворањето на занаетчиските и трговските дуќани, велат дел од сопствениците кои затвориле или едвај сеуште работат.

Излевањето на нафта од котелот за парно греење предизвика пожар денеска во млакарата „Милком“ во село Ногаевци крај Градско. Огнот избувнал некаде пред 13 часот и среќа што го забележале дел од вработените кои веднаш побарале помош од противпожарната единица од Велес.

Забраните за емитување на српската музика во Македонија наидоа на остри критики од изведувачите и авторите кои годинава настапија во Велес на манифестацијата Питијада. Мега популарниот поп пејач Жељко Јоскимовиќ и фронтменот на легендарната рок група Ван Гог, Звонимир Џукиќ-Џуле, без скруполи одговараа на новинарските прашања за забраната што последниов месец дојде од ЗАМП и од СОКОЈ за емитување на српска музика во македонскиот етер. И Јоксимовиќ и Џуле сметаат дека тоа не смее да и се случува на музиката за која од секогаш се смета дека ги урива сите граници.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

О Г Л А С

                        за избор на 20 судии-поротници во Основен суд Велес

  1. Кандидатот за судија - поротник потребно е да ги исполнува следните услови:
  1. да е полнолетен државјанин на Република Северна Македонија
  2. да има завршено најмалку средно образование
  3. активно да го владее македонскиот јазик
  4. да ужива углед за вршење на функцијата судија-поротник
  5. да не е постар од 60 години.

            II.За судија-поротник не може да биде избрано лице кое со судијата или судијата-поротник во истиот суд е во сродство во права линија или во странична линија до трет степен или е негов брачен другар, ниту лице кое со член на Судски совет на РСМ е во сродство во права линија или во странична линија до трет степен или е негов брачен другар.

            III.Заинтересираните кандидати потребно е да поднесат пријави и документи и тоа:

            -Диплома за завршено образование (оригинал или заверена на нотар),

            -Уверение за државјанство,

      -Потврда од казнена евиденција (издадена од суд според местото на раѓање).

            IV.Пријавата со потребните документи да се достават до Основен суд Велес (на приемна писарница или преку пошта со препорачана пратка) на адреса ул.„8-ми Септември“ бр.53, во рок од 15 дена од објавувањето на огласот.

                                                                                                   ОСНОВЕН СУД ВЕЛЕС

 
   
   
   
   

Најново