На партиска трибина со тема „Мотивирана администрација“ разговараа во средата вечер дополниот министер за информатичко општество Александар Кирацовски и членовите, симпатизерите како и вработени во јавната и државната администрација во Велес. На трибината организирана од општинската организација на се дикутираше за состојбите, проблемите и предизвиците на јавната и државната администрација со кои тие се соочувале во изминатиот период.

Во наредните три дена Велес ќе живее во ритамот на народниот и забавниот мелос и со вкусот на традиционалната пита пастрмајлија и виното. Од утре стартува тринаесеттото издание на фестивалот на пити и вино „Питијада 2016“. Триесетина производители на пити и винарии, со своите производи, ќе ги услужуваат велешани и гостите. Тие веќе ги поставуваат штандовите на улицата пред Гимназијата поради што е сменет и сообраќајниот режим во градот. Се поставува и сцената на која од утревечер ќе настапат бројни музички имиња и групи.

Деветнаесет годишната велешанка Розета М, студент на Филолошкиот факултет на Универзитетот „Гоце Делчев“ во Штип, ќе ја користи годинава финансиската поддршка за упис на факултет од Фондација за локален развој и демократија „Фокус“. Во средата на 28 септември, одлуката ја донесе тричлена Комисија за доделување на паричните средства собрани во хуманитарната акција за помош на студент од социјално немоќно семејство. Фондацијата ја состави комисијата од граѓани на Велес, поранешни професори и граѓански активист.

Во Македонија сеуште не постои конкретна бројка на лица со посебни потреби. Тоа им создава проблеми како на државата така и на семејствата во кои живеат граѓани од оваа категорија. Проблемот започна да го решава Ресурсниот центар со седиште во Скопје кој креира национална база на податоци за лицата со посебни потреби во Македонија. Станува збор за граѓанско здружение кое има за цел да создаде дата база, да ја искреира статистичката слика и да ги мапира состојбите и потребите на лицата со посебни потреби во државата.

Дваесет и четири дебатери на МОФ, од Велес, Неготино и Прилеп, викендов учествуваа на дводневниот регионален дебатен турнир што се одржа во просториите на Фонадција за локален развој и демократија Фокус во Велес. Секој од нив на свој начин, од позиција на власт и опозиција, ја бранеше тезата „Овој дом би бојкотирал меѓународни спортски настани кои се одржуваат во земји со тоталитарни режими“.

„Ако продолжиме масовно да ги сечеме дрвјата, научниците утврдиле дека за четири години ќе станеме суво подрачје. Земјоделието ќе ни се сведе на минимум поради ефектот пепел и ќе трпиме огромни последици“. Вака денеска  екологистите од ЕД „Вила Зора“ го пренесоа својот и револтот на граѓаните поради масовното сечење на дрвјата од јавните површини во градот на денешната трибина во општина Велес. Тие на едно место ги собраа најповиканите, локалните власти, одговорните на Јавното комунално претпријатие „Дервен“ , Шумското стопанство „Бабуна“ и општинскиот инспектор за екологија. Од нив побараа да се воведе мораториум за сечење на сите млади и здрави дрвја во градот се додека не се направи план за нивна замена. Затоа што според нив новозасаденото дрво не може да ја има функцијата како повеќегодишното дрво.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

О Г Л А С

                        за избор на 20 судии-поротници во Основен суд Велес

  1. Кандидатот за судија - поротник потребно е да ги исполнува следните услови:
  1. да е полнолетен државјанин на Република Северна Македонија
  2. да има завршено најмалку средно образование
  3. активно да го владее македонскиот јазик
  4. да ужива углед за вршење на функцијата судија-поротник
  5. да не е постар од 60 години.

            II.За судија-поротник не може да биде избрано лице кое со судијата или судијата-поротник во истиот суд е во сродство во права линија или во странична линија до трет степен или е негов брачен другар, ниту лице кое со член на Судски совет на РСМ е во сродство во права линија или во странична линија до трет степен или е негов брачен другар.

            III.Заинтересираните кандидати потребно е да поднесат пријави и документи и тоа:

            -Диплома за завршено образование (оригинал или заверена на нотар),

            -Уверение за државјанство,

      -Потврда од казнена евиденција (издадена од суд според местото на раѓање).

            IV.Пријавата со потребните документи да се достават до Основен суд Велес (на приемна писарница или преку пошта со препорачана пратка) на адреса ул.„8-ми Септември“ бр.53, во рок од 15 дена од објавувањето на огласот.

                                                                                                   ОСНОВЕН СУД ВЕЛЕС

 
   
   
   
   

Најново