Не стигнале сметките за радиодифузна такса, реагираат граѓаните на Велес. Тие велат дека веќе трет месец немаат добиено налози за да можат да си ја исполнат својата обврска и да ја подмират со Закон предвидената такса. Револтирани се и зачудени од ваквиот однос бидејќи, како што велат, еден ден, кога ќе ги добијат уплатниците, наеднаш ќе мораат да ги уплатат парите за сите месеци. Така велат дека тоа за нив ќе биде голем товар.

Хуманоста не познава професија. Вработените на Секторот за внатрешни работи во Велес денеска ги подадоа своите раце на крводарителската акција која секоја година традиционално се одржува во зградата на велешката полиција. На акцијата се собраа дванаесетина крвни единици речиси од сите крвни групи. Според д-р Ефтим Димитровски од Институтот за трансфузија во Скопје, соработката со велешките институции е на високо ниво.

Експанзија на грип во Велес. За само една недела, поточно од 01 до 07 овој месец, регистрирани се вкупно 145 граѓани заразени од грип. Најголем дел од нив се на возраст од 15 до 60 годишна возраст. Од Центарот за јавно здравје велат дека станува збор за заразување кај активно население, додека многу помалку има грипозни од претшколска и школска возраст како и граѓани над 60 години. Зголемена телесна температура, болки во зглобовите , мускулите и грлото, и треска се симптомите на ова заразно заболување. Лекарите велат дека во овој период од годината граѓаните особено оние со намален имунитет треба да внимаваат и да избегнуваат масовни собири.

Подмладокот на ВМРО ДПМНЕ со контра ракција на денешната прес конференција на младите социјалдемократи. Според нив токму СДСМ е партијата која ја закопала судбината на младите во Велес и Македонија, додека владата на ВМРО ДПМНЕ само во последните два месеци промовирала 20 проекти од кои бенефит имаат сите млади во земјава. На денешната прес конференција младите на ДПМНЕ ги спомнаа проектите кои досега партијата ги реализирала.

Двајца арамии денес во Велес околу 12,30час. на улица Алексо Демниевски извршија вооружен грабеж на автомобил на фирмата за обезбедување „Перпетуум Мобиле“ со кои пренесувале пари.  Разбојниците му го пресекле патот на автомобилот во кои се носеле парите на улицата токму пред зградата на Здружението на пензионери. Едниот од нив му вперил пиштол на возачот а другиот го скршил задното стакло на возилото од каде ги извлекок парите сместени во кутии. Потоа разбојниците се дале во бегство трчајки преку платото на спортската сала  „Гемиџии“ и паркот . Таму имало паркирано возило комбе со кое имале намера да избегаат по патот пред зградата на ЈКП „Дервен“ кон патот за Скопје преку Башино село.

По Варналиите и „Долни Дуќани“,  некогаш  било едно од поубавите маала во Велес. Се наоѓа на јужниот дел од градот веднаш над главниот пат кој преставува јужен излез од градот. Таму порано граѓаните граделе големи и модерни куќи. Некои се изградени на карпи и како кутичиња  наредени една врз друга. Првите ги изградиле веднаш над брегот на  реката Вардар и секоја од нив имала широки чардаци со поглед кон бистрите води на реката. Граѓаните поголем дел од денот го поминувале токму на чардаците.

Поврзани вести

web banner 300x250 Sinalco Duma

banerknigovodstvo

E baner

Најново