Во тек е откупот на тутун во велешко. Над 1.500 тутунопроизводители од општините Велес, Чашка, Градско и Лозово го предаваат тутунот во повеќето пунктови на компаниите „Соцомак“ и „Алијанса“. Досега се откупени повеќе од сто тони тутун од пониските класи. Откупната цена се движи од 150 до 200 денари за килограм и тоа за тутунот од првата берба.

Одложена е главната расправа за контроверзниот предмет Ореше во Основниот суд во Велес. Судијката што го води предметот ја одложи затоа што не беше донесен еден од тројцата обвинети во случајот, Ѓоре Петровски, иако вчера била известена дека тој ќе биде спроведен до велешкиот суд. Пред почетокот на главната расправа ја информирале дека полициското комбе се уште не било тргнато од Скопје затоа што заглавило на некоја од клиниките, а друго возило немале.

Бреговите на Вардар се грда слика во Велес. Наместо пријатно катче за велешани тие се претворени во депонии. Најнапред поради немање на пречистителна станица, градската канализација и сите отпадни води од индустријата непречено се влеваат во Вардар, кои водата ја загадуваат од трета и четврта категорија. Експертите тврдат дека таа е забранета за капење, наводнување на посетите и за напојување на добитокот. Бреговите на Вардар од двете страни на градот се посебна приказна. Тие се претворени во депонии.

Од вкупно 46.389 гласачи евидентирани во единствениот избирачки список, на вчерашните предвремени парламентарни избори, на 84-те избирачки места во Велес , гласале 33.315 граѓани или 71,81 процент.

И во попладневните часови е исто како претпладне кога голем број на велешани доаѓаа на избирачките места и учествуваа во изборниот процес. Гласањето на избирачките места во центарот на Велес се одвива мирно и без проблеми велат претседателите на избирачките одбори број 2156 Мимоза Стојановска и број 2162, Дејан Палашев. Првото избирачко место е едно од вкупно двете во економското училиште „Јовче Тесличков“ додека второто се наоѓа во зградата на Основниот суд. И тоа е едно од вкупно двете кои ги посети американскиот амбасадотр во Македонија Џес Бејли а во попладневните часови гласањето го надгледува и набљудувач на ОБСЕ.

До 10 часот на 84-те избирачки места во општина Велес, каде според единствениот избирачки список се евидентирани вкупно 46.389 граѓани, излегле и гласале 5.055 лица. Тоа е 11 отсто од граѓаните кои имаат право на глас, рече Никола Ѓоргиев заменик претседател на Општинската изборна комисија во Велес.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

 
   
   
   
   

Најново