Поддржани се многу проекти во државава, во изминатите години, токму преку грантови и финансиски сретства на УСАИД Македонија вклучувајќи го и проектот на американската профилација Хабитат преку која се градат становите за граѓаните кои имаат ниски примања во Велес. Затоа Владата на Македонија ќе му даде поддршка на овој значаен донатор за Македонија, рече вицепремиерот Кочо Анѓушев.

Неимарот и градител Андреја Дамјанов има вечна слава затоа што и по век ипол неговите дела се горди монументи од кои велешани учат, се гордеат и се претставуваат пред светот. Сите гости кои доаѓаат во градот ја посетуваат „велешката Миланска скала“, како што е наречен соборниот храм „Свети Великомаченик Пантелејмон“ во чија внатрешност се врежани симболите на Дамјанов како и фреските нацртани од неговиот сограѓанин Димитрија Андонов Папрадишки. Обајцата, а особено Дамјанов се преселил од селото Папрадиште, расадникот на сакрална  уметност на македонската почва, во Велес за да му подари бесмртност. Поради овие причини секоја година на 12 јули, денот кога се родил Дамјанов, сограѓаните го посетуваат неговиот гроб под велелепното здание на од него изградената црква со цел да му оддадат почит.

Основен суд Велес во 2016 година успеал да го совлада приливот на новопримени предмети и го намалил заостатокот на нерешени предмети, пишува во Годишниот извештај за работата на Судскиот совет на Република Македонија за 2016 година. Извештајот е усвоен и објавен пред седум дена, поточно на 3 јули,годинава.

Семејствата добија станови во новата, петта зграда, во населбата Тунел изградена за семејства со ниски приходи од Велес. Сите семејства се дел од програмата за новоградби во Велес која е дел од традиционалната програма на Хабитат за градење на пристојни и достапни домови за семејства со ниски приходи. Семејствата ги добија клучевите од влезните врати на својот нов дом. Сите беа возбудени и среќни што решиле голем и сериозен проблем како што е обезбедување на простор за живеење.

Падна договор помеѓу жителите на селото Горно Оризари и градоначалникот на Велес, Славчо Чадиев за надминување на проблемот со водоснабдувањето. По два ипол месеци живот без вода во селото ќе се спроведуваат рестрикции. Според договорот, Горно Оризари е поделено на две зони што ќе овозможи кога во еден дел од денот вода ќе има едната зона во другиот дел од денот вода да има другата зона. За да нема злоупотреби ќе биде ангажиран локален жител со задача да ги надгледува, контролира и да се грижи за вентилите, пумпите и останатата опрема на цевководот, соопштија од општина Велес.

Малкумина велешани во минатото имале можност и среќа да купат убави кожени чизми изработени од рацете на мајстор Атанас Лукарев. Старите жители на градот сеуште се сеќаваат и велат дека неможело да се дојде на ред зашто најнапред чизмите ги купувале и носеле бугарските, српските и германските офицери и војници, за време на окупацијата на Македонија. Во дуќанот на овој прочуен чевлар секогаш имало метеж од купувачи. Тие биле потврда за квалитетот на рачно изработените обувки од рацете на мајстор Атанас. Тој не само што бил добар и единствен мајстор за чизми туку бил многу добар човек, кој постојано имал време да поприкаже со муштерии.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

 
   
   
   
   

Најново