Се полни хирушкото одделение во велешката болница со пациенти повредени при паѓање на мраз. Тие освен во трите соби на ортопедскиот оддел се хоспитализираат и на хирушкото одделение. Во делот што се вика Б денеска немаше празен кревет во моментот кога двајца повредени старци се транспортираа на снимање од Ургентната единица кон Ренген одделението.

(Болницата во Велес, стариот дел во кој денеска работи Лабораторија, Физикалното одделение и Трансфузиологија)

Велес кон крајот на дваесеттите и триесеттите години на минатиот век се протегал од касарните, горната и долната касарна, денес на тоа место e Младински парк, и угоре на ридот над некогашната касарна, денешните објекти на Општата болница Велес од едната, а до другата до манастирот „Св. Димитрија” или местото каде реката Тополка се влива во Вардар. Градот завршуваше кај касарните, горната и долната, кои се наоѓаа од двете страни на таканареченото Прилепско џаде од каде почнуваше стариот пат за Прилеп. Во времето на Кралството на Србите, Хрватите и Словенците на Прилепското џаде кое официјално беше улица „Краља Петра”, завршуваше и последното маало на Велес. Се викаше „Крајот”.

На тринаесет семејства на самохрани мајки со мали деца и на многудетни семејства во неповолна материјална состојба во Велес и во населбата Превалец кои имаа итна потреба од хумантарна помош денеска Општинскиот Црвен крст и ЈЗУ Здравствен дом од Велес им доделија прехранбени производи и ќебиња.

Во изминатите осум дена со поларни зимски температури зголемена е потрошувачката на вода во Велес од просечни 110 л/сек на 130 л/сек. Дваесетте литри вода во секунда повеќе граѓаните ги трошат со тоа што во ноќните часови ги оставаат отворени славините на чешмите во домовите со цел да не дојде до мрзнење.

По осум дена од првиот паднат снег во велешко, фирмите што општината ги ангажирала за чистење на патиштата го пробија патот и до последните три отсечени села во општината. Од денеска се стигнува и до стотината претежно стари и изнемоштени лица кои живеат во селата Р‘левци, Рудник и Ветерско. Бидејќи станува збор за пооддалечени села од Велес сообраќајот кон нив и понатаму се одвива во отежнати услови што значи дека граѓаните кои ќе одлучат да патуваат потребно е на моторни возила да имаат зимска опрема.

Мразот што во четвртокот, на петти јануари, го окова Велес денеска почна да се топи. Дури денеска може да се каже дека е постигнат ефектот од фрлените количини на сол и ризла на главните градски улици. Тие се чисти и возачите можат да здивнат. Таксистите велат дека денешниот ден им е прв без грижи додека ги превезуваат патниците по централните сообраќајници „8 - ми Септември“, „Благој Ѓорев“, „Алексо Демниевски“ како и по улиците од Трговскиот центар во Нова населба кон училиштето „Васил Главинов“, кон средношколскиот интернат, средното стручно „Коле Неделковски“ и комплексот згради. Сите овие улици се наоѓаат во нискиот дел на градот.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

 
   
   
   
   

Најново