Убиството се случило ноќеска на улицата „Коле Цветков“ . Сосед го убил својот сосед и тешко ги повредил неговата сопруга, ќерката и братот.

Со одлука на генералнот директор на ЈП „Македонски шуми“, Зоран Горѓиев од вчера, вторник 15 август, за нов директор на подружница Шумско стопанство „Бабуна“ во Велес е именувана Љубинка Попова.

Четириесет и три деца од Велес со нарушено здравје како последица од загадувањето со тешки метали, од денеска, се на воздушна рехабилитација во детското одморалиште Михајлово, на Кожув. Станува збор за деца што имаат болести на респираторниот тракт, на срце, анемии и алергии. Нивниот престој, за прв пат по петнаесет години, не го плаќа државата туку е на товар на родителите.

По распишување на локалните избори, спротивно на законот, во општина Велес се вработија 10 лица, а во ЈКП Дервен 20 лица на определено време преку агенции за времени вработувања, обвини денеска СДСМ. Од велешката организација на оваа партија додадоа дека во овој момент општина Велес има повеќе од 100 редовно вработени и 47 вработени на определено време или три пати повеќе во споредба со времето кога тие управуваа со локалната власт во Велес.

Обљубата врз четириесет и осум годишната девојка се случила во нејзиниот дом, рано утрото во неделата на 13 август, околу 06,30 часот во Велес. Тогаш непознат сторител влегол во домот преку незаклучената влезна врата а потоа и во собата која девојката ја делела со нејзиниот татко, исто така лице со заостанат психички развој.

Се лизнало и паднало дете покрај чешмата додека се обидувало да се напие вода под јаворот на плоштад Сармаале. Детето лесно се повредило. За случката, денеска, раскажуваа граѓани кои на пеколните жештини често седат околу градската Фонтана. Дел од нив се грижат чешмата да биде секогаш во функција за да се пие вода и да се разладува. Така неколкумина од нив купиле нов чеп откако стариот бил насилно искршен и изваден од страна на несовесни граѓани.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

 
   
   
   
   

Најново