Излизгани автомобили и извртени камиони на автопатот Велес - Скопје кај угорнината пред местото викано Пуста кула. Тоа место е оддалечено од Велес само неколку километри. Таму е формирана долга колона во која се заглавени десетици луѓе во возила што ги управуваат и кои велат дека не можат да ги поместат ниту еден метар затоа што автопатот е затрупан со снег а тие не можат да го продолжат патувањето кон Скопје.

Кривичниот совет на Основниот суд во Велес го огласи за виновен и го казни со четиригодишна затворска казна триесет и шест годишниот радовишанец Марјан Темов за кривичното дело неовластено производство и пуштање во промет на наркотични сретства. Според пресудата Советот утврдил дека Темов се обидел, лани, на 24 јули, преку граничниот премин Дојран од Македонија да изнесе 34 килограми марихуана наменета за продажба.

Велес има и маало што се вика Прчиево. Името го добило по маалската чешма што ја изградил фурнаџијата Душан Прчето. Чешмата била изградена веднаш по завршувањето на Првата светска војна, кога водата од Раштанскиот водовод преку цефковод прво стигнала до Којник, а потоа велешанецот Брчко донирал пари и ја спровел до маалото во кое живеел и кое е именувано токму по него па се вика Бричково маало. Следниот чекор го направил фурнаџијата Душан. Тој почнал сам а потоа со поддршка на поимотните стари велешки семејства , ги поставиле земјените ќумци од фабриката на браќата Левкови, од Бричкова до новата чешма во маалото во кое живеел па неговите соседи во знак на благодарност чешмата ја нарекле Прчиева и маалото Прчиево. Тогаш, во стар Велес, токму во ова маало најголема и најубава куќа имал велешанецот Славејко Ивчев во која прв вовел вода. Ова семејство, исто така, е познато по тоа што е опеано во песната „Се посврши Сербес Донка“.

„Фото апаратот никогаш нема да го оставам. Тој е мојата прва играчка што како подарок ја добив од мајка ми Нада Боцева, аманет и затоа ќе го чувам и со него ќе сликам се додека дишам. Таа играчка, со која овековечив многу настани, благодарение на мојата храбра мајка Нада, сакам да ми биде и последната остварена желба во мојот живот“, рече најстариот велешки фотограф Томе Боцев. Тој е фотограф што не сака да се фотографира. Вели ги имал премногу од времето што го одживеал и таков сака да го помнат неговите сограѓани на кои им посветил часови и часови време од сопствениот живот.

На одделението за гинекологија и акушерство,утрово, во 5 часот се роди првиот жител на Велес во новата 2017 година. Бебето е машко, се вика Даниел, тешко е 3.370 килограми и долго е 52 сантиметри. Даниел е прва рожба на триесет и едногодишната мајка Тања и нејзиниот сопруг Александар Ристови од Велес.

Панел дискусија на тема „Младински препораки“ се одржа во локалната библиотека „Гоце Делчев“ во Велес. На неа учествуваа средношколци и млади од градот и дискутираа за работата на државните институции на национално и локално ниво и како таа се одразува врз нивните потреби. На дискусијата говореа претставници на Младинскиот образовен форум, на Фондацијата Отворено општество како и независни експерти од областа на правото.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

О Г Л А С

                        за избор на 20 судии-поротници во Основен суд Велес

  1. Кандидатот за судија - поротник потребно е да ги исполнува следните услови:
  1. да е полнолетен државјанин на Република Северна Македонија
  2. да има завршено најмалку средно образование
  3. активно да го владее македонскиот јазик
  4. да ужива углед за вршење на функцијата судија-поротник
  5. да не е постар од 60 години.

            II.За судија-поротник не може да биде избрано лице кое со судијата или судијата-поротник во истиот суд е во сродство во права линија или во странична линија до трет степен или е негов брачен другар, ниту лице кое со член на Судски совет на РСМ е во сродство во права линија или во странична линија до трет степен или е негов брачен другар.

            III.Заинтересираните кандидати потребно е да поднесат пријави и документи и тоа:

            -Диплома за завршено образование (оригинал или заверена на нотар),

            -Уверение за државјанство,

      -Потврда од казнена евиденција (издадена од суд според местото на раѓање).

            IV.Пријавата со потребните документи да се достават до Основен суд Велес (на приемна писарница или преку пошта со препорачана пратка) на адреса ул.„8-ми Септември“ бр.53, во рок од 15 дена од објавувањето на огласот.

                                                                                                   ОСНОВЕН СУД ВЕЛЕС

 
   
   
   
   

Најново