Submit to FacebookSubmit to Google PlusSubmit to TwitterSubmit to LinkedIn

svecenaakademija fin

Значајни, 75 години слободен Велес, обврзуваат да се чува достојно споменот, не само како задача туку и како најголема човечка обврска, за борците на партизанските одреди „Димитар Влахов“, „Трајче Петкановски“ и „Осма велешка народно ослободителна бригада“ кои го остварија сонот на Илинденците, на Гемиџиите и сите кои копнееја по слобода затоа што токму тие му го донесоа на Велес спокојот на рациновото утро, ја врежаа својата младост и живот во вечната почит и паметење.

Со оваа порака до велешани и велешанки го започна говорот на Свечената академија по повод 9 Ноември - денот на Велес, градоначалникот Аце Коцевски.

Kocevsk fin

-Во име на таа вечна битка за подобро утре, во изминатиот перод се посветивме на остварување на „Визијата за Велес“, но не краткорочната. Ги вложивме сите сили Велес да стане првата општина во државата со долгорочни, европск стратегии за одржлив развој како што се стратегиите за паметен град 2019-2030 година и за одржлива урбана мобилност. Конечно имаме решение за сообраќајните и урбанстичките решенија во градот, од врвни европски експерти кои работеа и на развојот на Љубљана. Имаме решение за гасификација на Велес, за зонско паркирање и за решавање на низа проблеми со кои секојдневно се соочуваат граѓаните. На езеро Младост започнаа градежните работи за „Паметно езеро Младост“ поддржан од ЕУ преку Светска банка во висина од над еден милион евра. Годинава на Општина Велес и се одобрен 15 големи структурни проекти со кои конечно ќе се решат и проблемите на граѓаните во дел од населените места, за водоснабдување и за пристапни патишта, за добар дел од нив. Тоа е нашата цел да обезбедиме еднакво квалитетни услуги за сите граѓани без оглед каде живеат на подрачјето на општината, рече Коцевски.

publika fin

Во годината кога Велес ја изгуби драгоцената пет децениски стара шума, на езеро Младост, Градоначалникот, ги повика велешани и велешанки посветено да се грижат за животната средина и за урбаната опрема, со грижливост и граѓанска етика да дадат придонес во убавото лице на градот. Ги повика компаниите да учествуваат во одржливиот развој на својот Велес и им порача на сите сограѓани кои животниот пат ги одвел на различните континенти на земјината топка да го сакаат и да не го заборават својот град затоа што тој никогаш нив не ги заборавил.

Свечената академија продолжи со доделување на највисоките општински признанија и наградите за животно дело „Гемиџии“ и за најдобар студент „ Проф. д-р Ѓорѓи Шоптрајанов“.

pofalnici fin

Љубица Јаневска ,филантроп и менаџер за човечки ресурси во компанијата „Ронтис“, Ангела Арсова, млад научник во областа на неурофармакологијата, Здружението на слепи лица на Велес, новинарката Антоанела Гајдова, наставничката Сузана Палитова и кајакарите Анѓел Петрушев и Александар Златаров се добитниците на Пофалница на Општина Велес за 2019 година.

ZG fin

Благодарници на Општина Велес за 2019 година им беа доделени на Здружение на граѓани „Носачи на крстот“ и Здружение на граѓани „Акцијаш - ветерани“.

blagodarnici fin

Спомен плакета 9-ти Ноември за 2019 година, Општина Велес , им додели на КУД „Коле Неделковски“,, кореограф и основач на балетското студио „Анабела" Цветанка Пајдакова, музичкиот педагог Веселинка Маџарова Андова , конзерваторите м-р Владо Мукоски и Момчило Трајковски, Фудбалскиот клуб „Борец 1919“ и на компаниите „Пескара Вел“ и „Павор“.

studentka fin

Студентката на Технолошко - техничкиот факултет во Велес ,Марија Илиевска, со постигнат просек од 9,59 е годинешен добитник на најградата „Проф. д-р Ѓорѓи Шоптрајанов“ за 2019 година.

TrajceKovacev fin

Наградата за животно дело „Гемџии“, годинава, му беше врачена на Трајче Ковачев - Зебец, познат велешки и македонски фудбалер, дома и на просторите на поранешната држава Југославија, како и истакнат спортски работник во пензија. Упатувајќи благодарност за препознатите постигнати резултати во фудбалот и успеси во развојот на спортот во градот, до градоначалникот, до Советот на Општината и до Комсијата за доделување на општинските признанија, меѓу кои е престижната награда за животно дело „Гемиџии“, Ковачев рече:

Kovacev fin

- На сите им благодарам што оваа вечер ја направија доживотно да ја запомнам. Како спортист, освен од име на фудбалот исто така и од името на останатите спортски дисциплни, дозволете ми почитувани сограѓани да апелирам да пронајдете слободно време, да спортувате, да рекреирате, да се дружите, верувајте дека со тоа се продолжува вашиот животен век. Се обраќам до сите наши сограѓани со барање да придонесат во афирмација на нашиот град и општина, како во државата така и надвор од неа. Се надевам дека ќе се постигнуваат резултати вредни за почит. Нека ни е честит денот на Општина Велес.

Во културнот дел на свечената академија, што се одржа во големата сала на велешки театар „Јордан Хаџи Константинов Џинот“, настапија: Градскиот камерен оркестар, Детскиот црковен хор „Свети Кирил и Методиј“ пијанистите м-р Светлана Ташева и м-р Илија Настовски како и  балетското студио „Анабела" . Во чест на наградените концерт одржа Женскиот камерен хор „Света Злата Мегленска“./У.Ј

 

 

 

SEMM baner MK

Поврзани вести

lifer gif 300x250 Duma

 

Duma Banner

ezgif.com video to gif1

baner i od veles se moze

E baner

Konsalting Jovevi

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен велосипед (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен велосипед за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен велосипед за 2020 година

 

  1. Опис на јавниот повик

 

Општина Велес на физичките лица кои ќе купат велосипед од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување велосипед.

На барателот ќе му се надоместат дел од трошоците направени при набавка на велосипед во висина од 50% од вредноста на велосипедот, но не повеќе од 3.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат велосипед од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на велосипед, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на велосипед од било кој извор во Република Северна Македонија (не го искористил правото на субвенционирање по овој основ),
  • велосипедот да го купил од денот на објавување до денот на завршување на Jавниот повик, односно до исцрпувањето на буџетот за оваа намена,
  • купениот велосипед да не биде помал од 24” (инчи), односно 60,96 санитметри, односно да одговара на популација деца кои не се помали од 8-9 години.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • фотокопија од трансакциска сметка на барателот,
  • доказ дека е извршено купување на велосипед и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на Jавниот повик, односно до денот на исцрпување на средствата по овој основ,
  • изјава дека барателот нема искористено право на поврат на средства за набавка на велосипед на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината).

            Едно физичко лице може да поднесе само едно барање за добивање на субвенција за еден велосипед.

Барањето за надоместување на дел од трошоците  за купен велосипед, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување велосипед”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен велосипед.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

Градоначалникот на Општина Велес на предлогот на Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето. Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на јавниот повик за барателите кои не ги исполниле условите од јавниот повик.

 

 

 

                                                                   ОПШТИНА ВЕЛ

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен сончев термален колектор (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен сончев термален колектор за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен сончев термален колектор

за 2020 година

 

  1. Опис на јавниот повик

 

Општина Велес на физичките лица кои ќе купат сончев термален колектор од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување сончев термален колектор.

На барателот ќе му се надоместат дел од трошоците направени при набавка на сончев термален колектор во висина од 50% од вредноста на сончевиот колектор, но не повеќе од 20.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат сончев термален колектор од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на сончев термален колектор, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на сончев термален колектор од било кој извор во Република Северна Македонија (не го искористил правото на субвенционирање по овој основ),
  • сончевиот термален колектор да го купил од денот на објавување до денот на завршување на јавниот повик, односно до исцрпувањето на буџетот за оваа намена,
  • сончевиот термален колектор да биде инсталиран на адресата на живеење наведена во личната карта на барателот,
  • станбениот објект да не е во фаза на градба и во него барателот да живее,
  • само едно лице од домаќинството може да поднесе барање за добивање на надоместок.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • изјава дека барателот и членовите на неговото семејство/домаќинство немаат искористено право на поврат на средства за набавка на сончев термален колектор на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината),
  • фотокопија од трансакциска сметка на барателот,
  • доказ дека е извршено купување на сончев термален колектор и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на јавниот повик, односно до денот на исцрпување на средствата по овој основ,
  • потврда за платен данок на имот за станбениот објект каде е инсталиран сончевиот термален колектор заклучно со претходната година пред објавување на јавниот повик.

Барањето за надоместување на дел од трошоците за купен сончев термален колектор, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување сончев термален колектор”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен сончев термален колектор.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

По секое поединечно комплетно барање, Комисијата врши увид дека колекторот е купен и инсталиран во живеалиштето според личната карта на барателот, дека станбениот објект не е во фаза на градба и во него барателот живее.

Барателот е должен да и овозможи пристап на Комисијата до станбениот објект и просторот каде е инсталиран сончевиот термален колектор.

Од извршениот увид Комисијата изготвува записник со приложена фотодокументација.

Градоначалникот на Општина Велес на предлог од Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето.

Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на Јавниот повик за барателите кои не ги исполниле условите од овој Јавен повик.

 

 

 

                                                                    ОПШТИНА ВЕЛЕС

 
   
   
   
   

Најново