Submit to FacebookSubmit to Google PlusSubmit to TwitterSubmit to LinkedIn

(Семејството Мајсторови, со таткото Игнат- познатиот мајстор градител)

Мајсторови биле едно од познатите семејства во Велес. Името го добиле по занимањето на нивните родители кои биле мајстори - ѕидари. Биле позната и многу ценета тајфа која учествувала и во изградбата на големиот  потпорен ѕид на црквата „Свети Пантелејмон“. Семејството Мајсторови најнапред живеело во „Маалска“, а по заминувањето на Турците, купило стари и изградило убави нови куќи, веднаш до градскиот саат.

(Мајстор Тодор во дуќанот)

Успешната семејна приказна на Мајсторови ја започнале  синовите на познатиот мајстор ѕидар Игнат, поточно  Тодор, Димитар, Стефан и Симон, кои покажале други афинитети и се зафатиле со изучување на прецизни занаети. Најстариот Тодор, бил најзаслужен за тоа. Роден 1890 година,  уште како ученик  со дозвола на неговиот татко, оди да чиракува кај чичко му Јанко, познатиот пушкар во градот и пошироко. Тодор веднаш го засакал занаетот и многу брзо почнал да ги учи сите мајстории од чичко му.  Но не го запоставил ниту образованието.  Тој во турско време завршил Гимназија, но пушкарскиот занает, како што велел, му лежел на срце.  По пет години ,  кога Тодор можел сам да поправа пушки, на неговиот чичко му веќе му натежнале годините и го затворил дуќанот.  Тодор  останал разочаран. Тогаш татко му Игнат, му ја исполнил желбата  да го продолжи занаетот и во 1912 година со  турска дозвола на Тодор  му отвара прв дуќан во близина на стариот мост, на десната страна на Велес.  Оваа година е значајна за познатото семејство но и за градот Велес, па и пошироко, како почеток на развивање на прецизното занаетчиство.

( Тодор Мајсторов со семејството)

Тодор во дуќанот прво ги усовршил од чираци до мајстори знаењата на  неговите браќа  Димитар, Симон и  Стефан. Потоа тие отвориле самостојни дуќани. Тогаш имало доста ловџии во тогашна Македонија која била под власт на Турција па се почесто доаѓале кај „велешките Мајсторчиња“  за поправка на пушки и пиштоли. Сложните „браќа Мајсторчиња“ отвориле и дуќан за колонијални производи, за кој велешани велеле дека во него имало се од игла до локомотива.

(пред дуќаните на Мајсторови)

Во дуќаните на Мајсторчињата од ден во ден се побројни биле граѓаните - муштерии. Браќата мајстори покрај поправките на пушки започнале да поправаат и други машини но и со набавка на производи од повеќе европски земји.

„ Тоа беше најстариот дуќан во градот. Во него работеа татко ми Тодор и неговите тројца браќа. Се занимаваа со прецизна механика, поправаа машини за шиење, машини за пишување, беа пушкари, поправаа автомобили. Го отворија и  првиот колонијал во Велес, се продаваше се“, се присети пред повеќе години кога со него разговарав синот на Тодор, Илија Мајсторов.

Како голем мајстор и виден граѓанин Тодор Мајсторов без проблеми добил дозвола прво од турските а потоа и од бугарските и од српските власти, покрај со поправката на  ловечки пушки на граѓаните да им  продава и пиштоли. Браќата Мајсторови работеле од утро до мрак. Добриот глас за нивната работа стигнал далеку. Секој граѓанин сакал неговата пушка да биде исправна пред да замине на лов. Работата во дуќаните на браќата Мајсторови им донела заработка што тие ја инвестирале во проширување на имотот. Прво што сториле била инвестицијата со која на местото на стариот дуќан изградиле голема зграда со осум дуќани, по два за секој од браќата. Братски ги поделиле, секому по еден дуќан во приземјето на самата улица и по еден на катот во зградата.

Потоа следела инвестиција за набавка на најсовремени машини и арапари од Германија, Австрија и други европски земји.Сите знаеле да поправаат пушки, пиштоли, машини за шиење, за пишување и други технички апарати, па и автомобили иако во тоа време ги имале мал број на граѓани.

(Дел од дуќаните на Мајсторови во семејната зграда - денеска)

Така мајстор Тодор, човекот кој во тоа време од мали нозе го научил  реткиот и единствен занает, ги научил и своите браќа и успеал семејството Мајсторови да го вброи меѓу најугледните и најимотните во Велес.

„ Стожерот на семејството беше татко ми  Тодор.  Тој  беше голем човек, а во  мајсторството му немеше рамен. Сам правеше федер за пушка што никој не можеше тоа да го направи. Го молев тајната да ми ја каже но, секогаш ми велеше: Синко тоа не е за тебе. Нека остане тајна. Така и беше .  Татко тајната ја однесе со себе кога си замина од овој свет,“ ми раскажа тогаш Илија.

(Куќите на Мајсторови кај Градскиот саат)

До крајот на својот долг живот многу горд на делото на својот син бил и неговиот татко прочуениот мајстор - ѕидар Игнат. По неговата смрт неговите синови никогаш не се разделиле. Секогаш работеле сложно и заедно ја делеле и тагата и радоста.

Во периодот по Првата светска војна и создавањето на Вардарска бановина, властите од стара Југославија, забраниле продажба на оружје. Тогаш Тодор не чекал долго. Со помош на синот на Алексо Левков, еден од браќата Левкови сопственици на фабриката за глинени ќумци, во Германија склучил договор со прочуената компанија за машини за шиење „Гризнер“ и станал  единствен увозник  на овие простори. Тогаш машините ги имало многу малку, а биле мошне барани. Добил и сретификат за нивни поправки и одржување. Мајстор Тодор станал главен сервисер на териториријата на цела тогашна Македонија. Му тргнала работата.  Тодор со Алексо Левков бил другар,а многу почитуван и од другите двајца браќа Левкови па често, кога имало потреба си помагале едни на дуги. И братот Симон Мајсторов заминал во германската фабрика „Круг“ на специјализација за машини за шиење.

(Тодор Мајсторов со сопругата, синовите, ќерката и внуците)

Успешните браќа Мајсторови започнале да се женат и да формираат семејства. Прв се оженил Тодор со Марија, со која живеел многу сложно и  која на свет му ги донела  синовите Илија и Круме и ќерката Нада.  Втор семејство формирал  Димитар со сопругата Богданка чиј син е познатиот  уметник Борис Мајсторов, долгогодишен работник во МТВ и нивна ќерка е Лилјана. Трет се оженил Стефан со Марика и ја добиле  ќерката Љубинка. Последен бил  Симон кој се оженил со Василка и ги имаат  синот Игнат и ќерката Марионка. Свадбите и веселбите браќата Мајсторови ги прават додека живеат во куќите на „Маалска“. За животот и работата на останатите браќа ќе пишуваме во друга пригода.

Сега уште неколку реда во кој ќе забележам дека за мајсториите  во дуќанот на мајстор Тодор  најмногу се интересирал неговиот син Илија. Тој од мали нозе постојано бил кај татко му и со љубов гледал како ги поправа пушките, пиштолите, машините за пишување и за шиење. Покрај училиштето втора негова љубов бил татковиот занает. Како годините минувале таа љубов била се поголема. За време на летниот одмор Илија работел во татковиот дуќан. За него немало слободно време и кога учел во Гимназија и по завршувањето на хемискиот факултет во Загреб и по неговото прво вработување како професор во средно хемиското училиште, потоа во Топилницата и фабриката за вештачко ѓубре од каде што се пензионирал. Илија до последен момент до 2015 година, постојано  работеше во својот дом. За професор Илија Мајсторов има доста пишувано а за да не бидам неправеден ќе кажам дека тој го исполнил аманетот на својот татко Тодор кога завршил факултет и стана признат академски граѓанин.

Стоилко Андреевски

 

 

SEMM baner MK

Поврзани вести

lifer gif 300x250 Duma

 

Duma Banner

ezgif.com video to gif1

baner i od veles se moze

E baner

Konsalting Jovevi

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен велосипед (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен велосипед за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен велосипед за 2020 година

 

  1. Опис на јавниот повик

 

Општина Велес на физичките лица кои ќе купат велосипед од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување велосипед.

На барателот ќе му се надоместат дел од трошоците направени при набавка на велосипед во висина од 50% од вредноста на велосипедот, но не повеќе од 3.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат велосипед од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на велосипед, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на велосипед од било кој извор во Република Северна Македонија (не го искористил правото на субвенционирање по овој основ),
  • велосипедот да го купил од денот на објавување до денот на завршување на Jавниот повик, односно до исцрпувањето на буџетот за оваа намена,
  • купениот велосипед да не биде помал од 24” (инчи), односно 60,96 санитметри, односно да одговара на популација деца кои не се помали од 8-9 години.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • фотокопија од трансакциска сметка на барателот,
  • доказ дека е извршено купување на велосипед и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на Jавниот повик, односно до денот на исцрпување на средствата по овој основ,
  • изјава дека барателот нема искористено право на поврат на средства за набавка на велосипед на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината).

            Едно физичко лице може да поднесе само едно барање за добивање на субвенција за еден велосипед.

Барањето за надоместување на дел од трошоците  за купен велосипед, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување велосипед”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен велосипед.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

Градоначалникот на Општина Велес на предлогот на Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето. Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на јавниот повик за барателите кои не ги исполниле условите од јавниот повик.

 

 

 

                                                                   ОПШТИНА ВЕЛ

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен сончев термален колектор (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен сончев термален колектор за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен сончев термален колектор

за 2020 година

 

  1. Опис на јавниот повик

 

Општина Велес на физичките лица кои ќе купат сончев термален колектор од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување сончев термален колектор.

На барателот ќе му се надоместат дел од трошоците направени при набавка на сончев термален колектор во висина од 50% од вредноста на сончевиот колектор, но не повеќе од 20.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат сончев термален колектор од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на сончев термален колектор, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на сончев термален колектор од било кој извор во Република Северна Македонија (не го искористил правото на субвенционирање по овој основ),
  • сончевиот термален колектор да го купил од денот на објавување до денот на завршување на јавниот повик, односно до исцрпувањето на буџетот за оваа намена,
  • сончевиот термален колектор да биде инсталиран на адресата на живеење наведена во личната карта на барателот,
  • станбениот објект да не е во фаза на градба и во него барателот да живее,
  • само едно лице од домаќинството може да поднесе барање за добивање на надоместок.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • изјава дека барателот и членовите на неговото семејство/домаќинство немаат искористено право на поврат на средства за набавка на сончев термален колектор на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината),
  • фотокопија од трансакциска сметка на барателот,
  • доказ дека е извршено купување на сончев термален колектор и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на јавниот повик, односно до денот на исцрпување на средствата по овој основ,
  • потврда за платен данок на имот за станбениот објект каде е инсталиран сончевиот термален колектор заклучно со претходната година пред објавување на јавниот повик.

Барањето за надоместување на дел од трошоците за купен сончев термален колектор, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување сончев термален колектор”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен сончев термален колектор.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

По секое поединечно комплетно барање, Комисијата врши увид дека колекторот е купен и инсталиран во живеалиштето според личната карта на барателот, дека станбениот објект не е во фаза на градба и во него барателот живее.

Барателот е должен да и овозможи пристап на Комисијата до станбениот објект и просторот каде е инсталиран сончевиот термален колектор.

Од извршениот увид Комисијата изготвува записник со приложена фотодокументација.

Градоначалникот на Општина Велес на предлог од Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето.

Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на Јавниот повик за барателите кои не ги исполниле условите од овој Јавен повик.

 

 

 

                                                                    ОПШТИНА ВЕЛЕС

 
   
   
   
   

Најново