Submit to FacebookSubmit to Google PlusSubmit to TwitterSubmit to LinkedIn

Маалото „Варналиите“  било едно од најубавите на левата страна на Велес. Дека навистина во ова маало имало многу убави куќи и во нив  живееле богати граѓани зборува и фактот што Турците го нарекле „Алтан маало“ или  „ Златно маало“. Името го добило по граѓаните Ганчо Варналиев, кој имал фурна веднаш пред ширинката и јаворот, до која се наоѓало теќе, па дуќанот на Благој, а од другата страна бил  дуќанот на Анѓушеви.

Најубавите куќи во ова маало, кој и денес претставуваат ремек дело на старата велешка архитектура и со закон се ставени под заштита , се наоѓаат веднаш над  фурната на Варналијата и  дуќаните на Благој столарот и на Анѓушеви.

Тоа се убавите и големите куќи на  Стево Прнаров, кој имал две ќерки Стефани и Маја, на касапот Лазо Тренчов и на Димче Чокалов кој имал  две ќерки Марика и Донка. Лазар имал син Кочо, а тој  пак имал  три сина Драган, Лазо и Борис. Касапскиот занает го наследил Лазар, кој го носи името на дедому.

Од другата страна на улицата се наоѓало семејството на Џајкови. Тука живееле Веса со децата  Пала и Ружа, па Благој со жена му Слоботка  и синовите  Ванчо и  Александар. Веднаш до нив биле  Борис Јанев со жена му Румена, синовите Симеон и Благој и ќерките Цветанка и Виолета, па семејството на Киро Ружинов, со синовите  Перо и Тоде, па Киро и Галаба Ноеви, со синот Бошко и ќерката Нада, а над нив биле Киро и Цвета Маневи со синовите Владимир и Ласко. До нив  биле Павлина и Владо Ристови  со синот Тодор и ќерката Лидија, па Ѓорѓи и Славна  Паунови , со синовите Миле, Диме и Љубе, па  Есмерот, Димчо Чоловчанов, со ќерките Весна, Стојна  и Ефка, и Тоде Лукаров со децата  Стојан, Ило и Стојна. Над нив живееле Велкови  со децата Коле, Пано и Благој, па Славчо Бачев, Борис Мурџов, Ило Шутев, Цвета Шутева, а на крајот, на горниот дел од улицата, живеел Васил Коледезни.

На улицата која води кон паракилисот “ Св. Ѓорѓија“, во кој било сместено  прво училиште во Македонија и во кое во 1858 година големиот Јордан Хаџи Константинов Џинот, ги учел децата на мајчин јазик,  се наоѓале куќите на Или Јапон и Тодор  Додов.

Од другата страна на улицата, која исто така излегува пред параклисот „Свети Ѓорѓија“, на почетокот имало дуќан, а до него била  куќата на Лазо Мокров со синовите Боро и Киро. До нив биле Киро Калешов , со синот Славчо, потоа Крсто Миров, па Коле Фазлиев со синот Коче и Перуш Карпузов .Над нив  биле куќите на Тоде Јанев и Сава Шутева.

На спротивната страна од нив живееле Кочо Калешов со децата Симо, Димче, Лила и Македонка па Трајко Бекташ, со децата Ило и Димле, па Славе Мишев, па Трипчеви, со синовите Никола и Киро и ќерките  Благојка и Николина. Над нив биле Никола Туџаров со синот Тодор и ќерките Лена и Пандорка, а одма до нив бил семкарот Ванчо Кривошиов. Тука било и семејството на Трајче Карпузов со ќерките Родна и Нада, па на Ордан Поцев со синот Гано, па Тошо Гуцев и Тодор Ќормиров.

Над јаворот, во сокакот на левата страна од маалото била куќата на Љубе Аџиарсов со децата  Трајче, Славче и Иле, потоа на Славе Ивев со сопругата Менка и ќерката - првоборец Родна Ивева а подоцна се изградени и други куќи меѓу кои и на Илија Панов. Од тука па се до долниот дел од Прцорек , се наоѓале муслиманските гробишта па така  во тоа врема маалото „Варналиите“ или на турски „Алтан Маало“ било во непосредна близина на муслиманските гробишта.

Животот на граѓаните во „Алтан Маало“  се одвивал на плоштадот под јаворот. Тука се собирале и за радост и за тага. Карактеристично за ова велешко мало е тоа што поголем број од жителите биле многу имотни, биле врвни мајстори, занаетчии, лекари, трговци па и затоа имале големи куќи со богат инвентар како и во куќите на најбогатите велешки семејства како Левкови, Кончеви, Здравеви, Ѓоргови. Се разбира и во куќите на најпознатите бегови и аги.

До имињата на некои од жителите тешко дојдовме. На некои не им ги знаевме имињата на нивните потомци, па затоа не бевме во можност  да ги  напишеме. Не можевме да дојдеме до податоци за имињата на сопругите  на овие имотни граѓани. Секоја информација повеќе е добредојдена за редакцијата на порталот Дума.мк .

Стоилко Андреевски

 

 

SEMM baner MK

Поврзани вести

lifer gif 300x250 Duma

 

Duma Banner

ezgif.com video to gif1

baner i od veles se moze

E baner

Konsalting Jovevi

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен велосипед (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен велосипед за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен велосипед за 2020 година

 

  1. Опис на јавниот повик

 

Општина Велес на физичките лица кои ќе купат велосипед од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување велосипед.

На барателот ќе му се надоместат дел од трошоците направени при набавка на велосипед во висина од 50% од вредноста на велосипедот, но не повеќе од 3.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат велосипед од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на велосипед, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на велосипед од било кој извор во Република Северна Македонија (не го искористил правото на субвенционирање по овој основ),
  • велосипедот да го купил од денот на објавување до денот на завршување на Jавниот повик, односно до исцрпувањето на буџетот за оваа намена,
  • купениот велосипед да не биде помал од 24” (инчи), односно 60,96 санитметри, односно да одговара на популација деца кои не се помали од 8-9 години.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • фотокопија од трансакциска сметка на барателот,
  • доказ дека е извршено купување на велосипед и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на Jавниот повик, односно до денот на исцрпување на средствата по овој основ,
  • изјава дека барателот нема искористено право на поврат на средства за набавка на велосипед на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината).

            Едно физичко лице може да поднесе само едно барање за добивање на субвенција за еден велосипед.

Барањето за надоместување на дел од трошоците  за купен велосипед, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување велосипед”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен велосипед.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

Градоначалникот на Општина Велес на предлогот на Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето. Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на јавниот повик за барателите кои не ги исполниле условите од јавниот повик.

 

 

 

                                                                   ОПШТИНА ВЕЛ

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен сончев термален колектор (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен сончев термален колектор за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен сончев термален колектор

за 2020 година

 

  1. Опис на јавниот повик

 

Општина Велес на физичките лица кои ќе купат сончев термален колектор од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување сончев термален колектор.

На барателот ќе му се надоместат дел од трошоците направени при набавка на сончев термален колектор во висина од 50% од вредноста на сончевиот колектор, но не повеќе од 20.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат сончев термален колектор од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на сончев термален колектор, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на сончев термален колектор од било кој извор во Република Северна Македонија (не го искористил правото на субвенционирање по овој основ),
  • сончевиот термален колектор да го купил од денот на објавување до денот на завршување на јавниот повик, односно до исцрпувањето на буџетот за оваа намена,
  • сончевиот термален колектор да биде инсталиран на адресата на живеење наведена во личната карта на барателот,
  • станбениот објект да не е во фаза на градба и во него барателот да живее,
  • само едно лице од домаќинството може да поднесе барање за добивање на надоместок.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • изјава дека барателот и членовите на неговото семејство/домаќинство немаат искористено право на поврат на средства за набавка на сончев термален колектор на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината),
  • фотокопија од трансакциска сметка на барателот,
  • доказ дека е извршено купување на сончев термален колектор и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на јавниот повик, односно до денот на исцрпување на средствата по овој основ,
  • потврда за платен данок на имот за станбениот објект каде е инсталиран сончевиот термален колектор заклучно со претходната година пред објавување на јавниот повик.

Барањето за надоместување на дел од трошоците за купен сончев термален колектор, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување сончев термален колектор”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен сончев термален колектор.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

По секое поединечно комплетно барање, Комисијата врши увид дека колекторот е купен и инсталиран во живеалиштето според личната карта на барателот, дека станбениот објект не е во фаза на градба и во него барателот живее.

Барателот е должен да и овозможи пристап на Комисијата до станбениот објект и просторот каде е инсталиран сончевиот термален колектор.

Од извршениот увид Комисијата изготвува записник со приложена фотодокументација.

Градоначалникот на Општина Велес на предлог од Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето.

Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на Јавниот повик за барателите кои не ги исполниле условите од овој Јавен повик.

 

 

 

                                                                    ОПШТИНА ВЕЛЕС

 
   
   
   
   

Најново