Submit to FacebookSubmit to Google PlusSubmit to TwitterSubmit to LinkedIn

68586454 2481784742045572 7623024637764435968 nНе помогнаа три часовните разговори вчера меѓу лозарите и визбите да се постигне договор за откупната цена на винското грозје. И едните и другите цврство се застанати на своите позиции.

Лозарите бараат визбите да ја променат поразителната политика, да го одврзат ќесето и за квалитетно грозје да дадат повисока цена. Задоволни се велат, од поддршката што ја добиваат од МЗШВ и од градоначалникот, но не било во ред само државата да дава за тоа што треба визбите да го платат.

 На состанокот беше и министерот за земјоделство, Трајан Димковски, пратеникот Панчо Минов и градоначалникот Митко Јанчев.

„Договор не се постигна. Чекаме до понеделник да видиме што и како ќе биде. Ни се случува истата политика како и лани. Државата е спремна да ни помогне но ние не сме социјален случај па постојано да чекаме од државата. Винариите да си го одврзат ќесето и да си плаќаат по шеќерна единица. Тие предлагаат 21 малиган за 13 денари. Бараат квалитет. Им даваме квалитет. Проблем е тоа што тие не сакаат да го платат така како што треба“ вели претседателот на лозарското здружение „Напредни лозари“ од Кавадарци, Трајче Кулев.

Лозарите инсистираат најниска цена за најевтиното грозје да биде 20 денари за 16 шеќерни единици. Поставија црвени линии после кои нема да преговараат, а тоа е за 16 шеќерни единици цената да не падне под 16 денари за смедеревката и 17 за вранецот.

Доколку не бидат прифатени барањата на лозарите, тие најавуваат радикални протести се со цел да дојдат, како што велат до некоја реална и достоинствена цена за грозјето.

Од Националната федерација на фармерите бараат цената за винската сорта грозје „вранец“ да биде 17, за „смедеревка“ 16 ден по килограм, функционирање на договорно производство согласно Законот за земјоделство и рурален развој и гаранција на наплата (банкарска гаранција од откупувачите), како и исплата на откупено грозје најдоцна до 31 декември 2019 за откупот од тековната година./А.Д

Поврзани вести

web banner 300x250 Sinalco Duma

banerknigovodstvo

E baner

Најново