Стихозбирката „Ова е ваше време“ на поетесата Десанка Николова, со поетски караван ќе се промовира пред велешките ученици. Промоцијата почна од ученичкиот дом „Лазар Лазаровски“, а ќе продолжи во сите основни училишта, училиштето за деца со посебни потреби „Маца Овчарова“, детската градинка „Димче Мирчев„ како и кај децата во детското одделение во општата болница.

Од неколку сегменти на созададеното дваесет годишно творештво на академскиот сликар Крунислав Стојановски е составена изложбата со која се преставува пред љубителите на ликовната уметност во Ликовниот Салон во Велес. Поставката е само дел од вкупно четиристотини слики создадени во Хрватска, каде Стојановски студирал, живее и твори, во изминативе две децении. Уметничките слики со кои се претставува пред велешани се дел од неговите осум циклуси со теми кои биле предмет на негов интерес како што се малиот, обичен човек, заштита на природата како и анти воени ликови.

Три нови книги издаде Стрип Центарот на Македонија. Едната е стручна книга за стрипот од авторот Ване Трајков и во неа тој ги опишува сите настани од 1963 до седумдесетата година, кога излегува едицијата „Никад робом“ и во која се опфатени и почетоците на македонскиот стрип. Во неа можат да се сретнат разни теми и сценарија од историјата на Македонија. Втората книга е на доајенот на македонскиот стрип, осумдесет и четири годишниот Миле Топуз, во кој го црта периодот од основањерто на Самоиловата држава, нејзиниот подем и падот.

Во неисцрпената ризница од повеќегодишното работење на познатите велешки фотографи Дамаскин и неговиот син Љубе Манушев , пронајдовме четири досега необјавени фотографии. Две од нив се направени во 1919/1920 година, на локација главна улица во Велес поточно во делот на денешниот плоштад Саармале. На нив Дамаскин го фотографирал и синот Љубе Манушев. На двете фотографии убаво се гледаат старите дуќани од надалеку познатата велешката чаршија а во позадина на едната се гледа зградата на тогашната Општина додека на втората фотографија се гледаат и јаворите на Саармале.

Се избира „Музата на Рацин“, заштитното лице на манифестацијата „Рацинови средби“. Од вчера е отворен конкурсот и целта е современ третман на рациновата муза како значајно обележје на неговата љубовна поезија. Со овој настан се афирмираат и промовираат младите од Велес и нивно активно вклучување во реализацијата на „Рацинови средби“.

Со изведба на композицијата „Радусја невесто неневестнаја“ од Свети Нектариј Егински членовите на Младинскиот црковен хор „Свети Кирил и Методиј“ на Повардарската епархија го започнаа третиот Великопосен концерт во соборната црква „Свети Великомаченик Пантелејмон“ во Велес. Концертот се одржува во слава и чест на Воскресението Господово на скоро четири недели пред големиот христијански празник. Верниците кои присуствуваа на концертот имаа ретка можност да уживаат во изведбите на хористите во најубавата и најакустична внатрешност на црквата изградена од најголемиот македонски неимар и градител Андреа Дамјанов.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

О Г Л А С

                        за избор на 20 судии-поротници во Основен суд Велес

  1. Кандидатот за судија - поротник потребно е да ги исполнува следните услови:
  1. да е полнолетен државјанин на Република Северна Македонија
  2. да има завршено најмалку средно образование
  3. активно да го владее македонскиот јазик
  4. да ужива углед за вршење на функцијата судија-поротник
  5. да не е постар од 60 години.

            II.За судија-поротник не може да биде избрано лице кое со судијата или судијата-поротник во истиот суд е во сродство во права линија или во странична линија до трет степен или е негов брачен другар, ниту лице кое со член на Судски совет на РСМ е во сродство во права линија или во странична линија до трет степен или е негов брачен другар.

            III.Заинтересираните кандидати потребно е да поднесат пријави и документи и тоа:

            -Диплома за завршено образование (оригинал или заверена на нотар),

            -Уверение за државјанство,

      -Потврда од казнена евиденција (издадена од суд според местото на раѓање).

            IV.Пријавата со потребните документи да се достават до Основен суд Велес (на приемна писарница или преку пошта со препорачана пратка) на адреса ул.„8-ми Септември“ бр.53, во рок од 15 дена од објавувањето на огласот.

                                                                                                   ОСНОВЕН СУД ВЕЛЕС

 
   
   
   
   

Најново