Во големата сала на Домот на Армијата во Ниш, Република Србија, изминатиот петок на 23 јуни, се оддржа промоција на јубилејниот 20 број на гласилото „Средби“ на Здружението на писатели Чегар од Ниш, Србија. Тоа е традиционален соработник и партнер на Амбасадата Поети на Светот во Македонија. Тоа беше повод за поканата и присуството на македонскиот амбасадор на Поети на Светот во Македонија, Љубомир Михајловски на промоцијата.

Најновата продукција поточно театарската претстава „Тирамису“ е работена според Јоана Овшианко, во режија и адаптација на Теа Беговска.

На старата локација но со нови содржини, поразлични од изминатите години, уличниот фестивал „Баскерфест" викендов ќе ги очекува велешани. Во Младински парк, во петок 23 и во сабота на 24 јуни, фестивалот со уникатен концепт и нова, поинаква понуда на публиката ќе и понуди улични артисти и музика во живо. Програмата на фестивалот изобилува со претстави, пантомима перформанси, улични танчери, креативни активности - вистински сплет на културни, забавни и уметнички содржини.

 

Академскиот сликар Александар Јовановски Мијак деновиве патува во Њујорк и Њу Џерси. Таму, пред американската публика Мијак повторно, по десетти пат, ќе отвори самостојна изложба.

Иако жанровски и припаѓа на комедијата, францускиот филм „Семејството Белие“ на режисерот Ерик Лартиго во кој главните улоги ги толкуваат француските актери Луан Емера и Карин Вијар, кај публиката на синоќешната проекција во Велес предизвика многу емоции, солзи и воздишки. Таа, се чини дека во еден здив ја одгледа динамичната филмска приказна за глувонемото фармерско семејство во Франција, чиј главен стожер е нивната ќерка средношколка, неоткриен музички талент пред кој вратите ги отвори признат париски конзерваториум. И покрај повеќе колебања, музички да се образува и да го остави своето семејство во родното село или да продолжи да биде нивниот едиствен по говорор и слух контакт со светот, семејството сепак ја поттикна младата девојка да продолжи да живее меѓу луѓето кои се различни од нив само затоа што слушаат и зборуваат.

Претставата „Шумата на моето дрво“ во продукција на независната театарска компанија „Северно од Импакт“ е добитник на наградата за Најдобра претстава на мала сцена на штотуку завршениот меѓународен театарски фестивал „Бабел“ во Романија.

Режисер на претставата е Александар Ивановски, а во неа настапуваат актерот Васил Зафирчев и композиторот Сашко Костов. Во претставата се користат извадоци од драмски текстови на Сашо Димоски.
„Шумата на моето дрво“ е претстава создадена од звуци, зборови и пулсирачки мускули што ни отвора поглед кон еден нестабилен свет. Таа е ноќна одисеја низ стомакот на една шума која умира, на еден човек што се обидува да најде смисол во својот живот и во својот статус како туѓинец.

Овогодинешното издание на фестивалот „Бабел“ којшто е еден од најголемите фестивали во Романија траеше од 2 до 11 Јуни и беше исклучително богато со претстави од дури 22 земји од целиот свет. Годинава официјалната тема на фестивалската програма беше насловена „Звук“.

Претставата „Шумата на моето дрво“ е реализирана во копродукција со Театарот „Јордан Х.К. Џинот“-Велес, на чија што сцена се одржа премиерата на крајот на април, годинава.
Учеството на фестивалот „Бабел“ е прва изведба на претставата надвор од Македонија.

 

 

SEMM baner MK

Поврзани вести

SInalco PES 2021 web Baner 300x250 Duma

Х Фактор Акцелератор ја најавува својата нова Инвестициска програма и инвестиции до 100.000 Евра

 

Најактивниот акцелератор во Македонија Х Фактор Акцелератор ја најавува својата нова Инвестициска програма и инвестиции до 100.000 Евра во стартап фирми и дополнителна техничка поддршка, менторство и пристап до компании. Повикот е отворен за пријавување до 15ти Март, со вкупен буџет за инвестиции од 300.000 Евра кои ќе се инвестираат во 3-5 компании.

X Фактор Акцелератор е првиот од трите акцелератори поддржани од ФИТР преку Светска банка, кој во изминатата година реализираше две инвестиции во вкупен износ од 200.000 евра во стартап – тимовите на Матриошка и Vision Dynamix.

Оваа година и покрај предизвиците на корона кризата - X Фактор Акцелератор продолжува да креира средина која го стимулира и поттикнува развојот на новите бизниси преку поддршка на растот за регионална/глобална експанзија.

Кои критериуми треба да ги исполнат стартапите за да аплицираат на повикот?

Што бараме од компаниите како услов за влез во Инвестициската програма:

  • Оформен, искусен и посветен тим,
  • Оформен производ кој е во фаза на пазарна валидација,
  • Продажба на први клиенти,
  • Компанијата да е регистрирана во Р.С.Македонија, со најмалку 51% Македонска сопственост.

Оваа година фокусот е на иновативни решенија од било која дејност, со глобален потенцијал на раст.

 

Што добиваат стартапите во рамки на Инвестициската програма?

Оваа програма има за цел да ги донесе компаниите што побрзо до инвестиција и нови пазари. За таа цел X Фактор Акцелератор ќе започне со преговори за инвестирање и менторска поддршка со 5 до 10 од аплицираните компании преку:

  1. Специјализирана менторска програма спроведена од нашиот тим, како и од искусни ментори од партнерските организации: ФИТР, World Bank, SwissEP, Startup Macedonia, Senior Experts Program.
  2. Покрај експертската помош, акцент ќе ставиме на валидација на постоечките решенија и бизнис модели за пристап до локалните и интернационалните пазари со искусните тимови на нашите корпоративни партнери како Oracle for startups и други локални и глобални корпорации.
  3. Техничка поддршка за компаниите преку унапредување на нивната маркетинг стратегија, дигитално присуство и развој на бренд со тимот на Monday дигитална агенција, дополнителен развој и/или валидација на софтверски решенија со екпертска поддршка на ИТ професионалци од SkillUp Academy и пристап до нови пазари преку 36 Chambers.

Најважниот ресурс кој го добиваат стартапите за време на програмата, освен финансииите е целокупната поддршка за вмрежување и зголемување на видливоста на бизнисите.

Акцелераторот овозможува размена на знаења и искуства помеѓу самите претприемачи, од каде што има огромен потенцијал за произлегување на голем број нови партнерства.

  

Каков е процесот на апликација?

  1. 18.02 Изјавување на Интерес: Апликациите се одвиваат преку нашиот вебсајт со испраќање на краток опис на бизнис идејата со пополнување и прикачување на апликациска форма во коja се објаснува бизнисот,
  2. 09.03 Ask me Anything: Сесија во живо за да праша публиката сѐ што ги интересира;
  3. 15.03 Евалуација: Апликациите кои од страна на Комитетот за евалуација на проекти ќе се оценат дека се најиновативни и имаат потенцијал за раст ќе се квалификуваат за влез во следната фаза;
  4. 20.03 Валидација: Во оваа фаза селектираните тимови треба да поднесат дополнителни документи Pitchdeck, Финансиски проекции, CaseStudy со кои би се потврдиле првичните бизнис концепти и презентирање пред Евалуациониот Комитет;
  5. 01.04 Преговори и Менторство: Вклучување на 5-10 компании во 8 неделна Инвестициона програма и подготовка на компанијата за инвестиција преку, менторство, експертска поддршка, состаноци со потенцијални клиенти и партнери како и преставување на локални и регионални настани. Во текот на програмата тимот на X Фактор Акцелератор ќе го отпочне процесот на Due diligence со тимовите;
  6. 01.06 Демо ден: Стартапите презентираат пред Инвестицискиот одбор и мрежата на партнери, корпорации и инвеститори кои ќе ги одберат компаниите со кои ќе се започнат финалните преговори за инвестиција;
  7. 01.07 Потпишување на Инвестиционен договор: Финализирање на преговарачкиот процес и потпишување договори за инвестиција.

Што да очекувам од X Фактор Акцелератор?

X Фактор Акцелератор има за цел да направи инвестиција во период од 4-6 месеци од аплицирање во програмата во износ од 30.000 до 100.000 евра по компанија, зависно од фазата на развој. X Фактор Акцелераторот има за цел да стане малцински содружник, со процентуален удел во компанијата кој е предмет на преговори. Претставник на акцелераторот ќе добие место во бордот на директори и континуирано ќе помага во донесување на стратешки одлуки и поврзување на компанијата со потенцијални партнери, клиенти и интернационални инвестициони фондови.

 

Овогодинешниот повик официјално е започнат и вашите апликации ги очекуваме до 15ти Март 2021 година преку веб страната на Х Фактор Акцелератор: http://xfacc.mk/

Одговорно лице за контакт: Јозефина Симитчиева 078 377 504

 
   
   
   
   

Најново