По истражувањата во мај годинава, археолози на Народниот музеј во Велес, повторно се во локалитетот велешко Кале. Тие есенва продолжуваат со работа на просторот на кој постоел средновековен град и имаат цел да доистражат како се развивал. Ископувањата се завршени во седумдесет отсто од вкупната површина на Акрополата и во делот на објектот за кој се претпоставува дека е Некропола. Станува збор за горниот дел на тогашната населба од каде започнал да се развива стариот град.

Во Велес вечерва започнува 14 от Интернационален Стрип салон „Велес 2016“. Свеченото отворање на манифестацијата ќе се одржи во Ликовниот салон, вечерва – петок, со почеток во 19 часот. Впрочем, овој објект во наредниот викенд ќе биде место каде своите остварувања ќе ги покажат стрип цртачи и автори од Македонија и од соседството. Вратите на манифестацијата Интернационален стрип салон се отворени и за граѓаните, вљубеници и почитувачи на стрип уметноста, велат организаторите.

Таа за две години на вљубениците во поезијата им подари две стихозбирки во кои ја опејува љубовта. Младата велешанка, идна лекарка, по втор пат ги распосла своите емоции на бела хартија, во книга во која ги реди стиховите со најемотивните чувства од себе. И додека се читаат зборовите, нанижани во стихови, неспорно е дека Марија `Ртоска ги открива чистите човечки чувства на вљубените кои избликнуваат како вулкан, во волшебни воздишки од срцето.

Стрип центарот на Македонија со седиште во Велес и годинава учествува на манифестацијата „Бела ноќ“ во Скопје. Стрип цртачите велат дека ланските позитивни искуства ги поттикнале на нови идеи пред се од увидените потреби за развој и афирмација на стрип културата во Скопје, како метропола на нашата држава. Така годинава Стрип центарот на Македонија ќе учествува со една пред промоција на 14 Интернационален стрип салон „Велес 2016“, со промоција на своите изданија , со работилница и слободни стрип разговори.

Претставата „Тројанки“ на Драмски театар од Западен Казахстан ја доби Гран При наградата на петнаесетиот Фестивал на античка драма „Стоби“. Режисерот на претставата Куандик Касимов е добитник на наградата за најдобра режија и актерката Бибигул Исалиева, која во претставата „Тројанки“ го игра ликот на Хекуба е добитник на наградата за најдобра женска улога.

Дваесет и шест дела со мотиви на дамнешни и помалку заборавени предмети што биле нераскинлив дел од македонската куќа и три портрети со ликот на Свети Стефан ја сочинуваат етно приказната на академскиот сликар Драги Хаџи Николов Аџи што љубителите на сликарската уметност можат да ја погледнат во Ликовниот салон во Велес. Тој е уметник со специфичен уметнички ракопис, рекоа на отворањето на изложбата, негови колеги. Сликарството на овој уметник, родум од Гевгелија, преставува потрага по совршенството на народните умотворби и ракотворби. Уметникот создал творештво во кое го открива нашиот бит како неразлично единство на народно ракотворната сакрална уметност.

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

О Г Л А С

                        за избор на 20 судии-поротници во Основен суд Велес

  1. Кандидатот за судија - поротник потребно е да ги исполнува следните услови:
  1. да е полнолетен државјанин на Република Северна Македонија
  2. да има завршено најмалку средно образование
  3. активно да го владее македонскиот јазик
  4. да ужива углед за вршење на функцијата судија-поротник
  5. да не е постар од 60 години.

            II.За судија-поротник не може да биде избрано лице кое со судијата или судијата-поротник во истиот суд е во сродство во права линија или во странична линија до трет степен или е негов брачен другар, ниту лице кое со член на Судски совет на РСМ е во сродство во права линија или во странична линија до трет степен или е негов брачен другар.

            III.Заинтересираните кандидати потребно е да поднесат пријави и документи и тоа:

            -Диплома за завршено образование (оригинал или заверена на нотар),

            -Уверение за државјанство,

      -Потврда од казнена евиденција (издадена од суд според местото на раѓање).

            IV.Пријавата со потребните документи да се достават до Основен суд Велес (на приемна писарница или преку пошта со препорачана пратка) на адреса ул.„8-ми Септември“ бр.53, во рок од 15 дена од објавувањето на огласот.

                                                                                                   ОСНОВЕН СУД ВЕЛЕС

 
   
   
   
   

Најново