Submit to FacebookSubmit to Google PlusSubmit to TwitterSubmit to LinkedIn

158600325 4419926448071215 7917411219314589410 n

08.03.2021
Во просториите на Локална библиотека „Гоце Делчев“ во Велес, денеска се оддржа промоција на книгата „Неверство“ од авторката Емилија Златкова-Анастасовкса. Оваа книга е во издание на издавачката куќа „Полица“. Поради пандемијата од Ковид-19 промоцијата се одвиваше онлајн преку страницата на локалната библиотека.

-Почитувани љубители на пишаниот збор, денеска имаме чест и задоволство да го прославиме Меѓународниот ден на жената со промоција на книгата „Неверство“. Нашата авторка Емилија, со своето долгогодишно творешство учествувала на многу државни и меѓународни конкурси каде има освоено многу награди и признанија. Таа е автор на повеќе книги како „Волшебното синџирче“ , „Роман за деца и млади“, „Нов ден, нова песна“ – поезија, „Поглед кон невидливото“ – збирка драми, „Близнаци“ – роман за возрасни и „Детето во снегот“ – збирка раскази, рече Гордана Васковска в.д директор на Локална библиотека „Гоце Делчев“ во Велес.

158384894 4419925918071268 6853405043625124418 n

Во текот на промоцијата своите импресии ги сподели и читателката Ана Ѓурова, која книгата „Неверство“ ја прочитала за рекордни два часа.

-Рецензијата ќе ја започнам со извадок од самата книга – Благословен е човекот што се надева на господ и кому надежта му е господ. Пред се’ ќе кажам дека ова е една добра приказна која е убаво доловена и уште подобро напишана. Вие што ги имате прочитано книгите на Емилија мислам дека ви е познат нејзиниот стил на пишување, лесен, читлив и уникатен. Посебно ми остави впечаток ликот на свештеникот Михаил тој со својата надеж и верба во бога дека неговиот син ќе биде добро. Фокусот на романот е ставен на семејството, на нашите најмили како и нашите ангелчиња –децата. Но најголемиот фокус е ставен на нашата верба кон Бога, рече Ана Ѓурова.

Авторката Емилија Златкова-Анастасовска рече дека нејзиното најново книжевно дело е напишано за да биде поттик за борбеност на жените.

158810229 4419926678071192 6848649493314494207 n

-Ние сме жени кои раѓаме и создаваме и во исто време сме креативни а умееме работите да ги направиме и убави иако понекогаш знаеме дека тоа е тешко. Ќе ги поттикнам жените да ги остваруваат своите соништа без разлика колку тоа е тешко да се стори во нашето општество. Јас сум жена што сака да експериментира па затоа во моето досегашно творештво имам поезија,раскази, роман за деца и сакам да се обидам да пишувам во различни жанрови. Овој пат напишав трилер, не класичен но со порака. Насловот е „Неверство“ но мојата порака е сосема спротивна и гласи Верност, рече Златкова-Анастасовска.

Авторката анализирајќи ја својата најнова книга додаде дека исто така во содржината читателите ќе пронајдат поттик за самоанализа која упатува на тоа како ние постапуваме кон другите и колку тие можат да се потпрат на нас како на младо дрво, дали сме променливи во ветувањата што ги даваме како родители, сопруги, пријателки итн.

Стефани Манева

 

 

 

SEMM baner MK

Поврзани вести

web baner kozuvcanka 300x250 Duma

 
   
   
   
   

Најново