Submit to FacebookSubmit to Google PlusSubmit to TwitterSubmit to LinkedIn

29572339 767912760078911 2356897385732572176 n

04.03.2021

Велешки театар ,,Јордан Хаџи Константинов-Џинот“, ќе настапи на 47-то издание на фестивалот „Сараевска зима“, со претставата „Кралските копилиња“, на 15 март, годинава.

Поради пандемијата од ковид 19, фестивалската програма во најголем дел ќе биде прикажана он лајн, односно претставите ќе се одржуваат на матичните сцени, а сараевската публика ќе ги проследи преку видео стриминг.

26229370 767912580078929 8400654191059838550 n

Претставата во својата жанровска дефиниција е театар на телото во епски слики, работена според пост-тројанскиот митски циклус, сместен во кралската куќа Арг. „Кралските копилиња“ е приказна за боголуѓето која се случува непосредно по завршувањето на војната за Троја и зборува за неможноста траумата да биде избришана како цивилизациско наследство и за кругот преку кој таа траума комуницира со секое време и простор.

Автор на тесктот, режисер и автор на аудио-визуелниот концепт на претставата е Сашо Димоски, режијата на сценското движење е на Васил Зафирчев, видео-дизајнот и анимациите се на Данчо Стефков и Крсте Шупев, сценографијата е на Филип Коруновски, костимографијата на Катерина Чукниева, музички соработник е Сашко Костов, а автор на дигиталните скулптури и плакатот е Адам Мартинакис.

29792211 767912606745593 8887166828569048916 n

Во претставата настапуваат актерите Васил Зафирчев како Агамемнон, Кети Борисовска како Клитемнестра, Талија Настова како Електра, Жарко Спасовски како Орест, Маја Љутков како Касандра, Фаик Мефаилоски како Егист и Марија Стефановска како Ифигенија.

Стефани Манева

 

 

SEMM baner MK

Поврзани вести

web baner kozuvcanka 300x250 Duma

 
   
   
   
   

Најново