Submit to FacebookSubmit to Google PlusSubmit to TwitterSubmit to LinkedIn

Stripnaslovna fin

2.10.2020

Стрип центар на Македонија-Велес ги објави наградените стрипови од традиционалниот, 18 ти по ред Мегународен стрип конкурс „ВЕЛЕС 2020“.
Добитник на на парична награда, обезбедена од страна на општина Велес, за наградата „Златен стрип“ е Марко Стојановиќ од Р. Србија за сценарио ,Милорад Вицановиќ Маза од Бања Лука, БиХ и Аљоша Томиќ од Р. Србија за колор изданието на стрипот „ТHE ANCIENT- ДРЕВНИОТ“.

За освоено второ место добитници на награда се: Дејан Богојевиќ од Ваљево Р. Србија за сценарио, Ана и Сара Живковиќ од Белрад Р. Србија за цртеж и колор, за стрипот „НАПАД“ и Даниел Данил од Романија за стрипот „CLOCOCIOV“.

Добитници на наградата за трето место се Катерина Тери Николова, цртеж и Александар Стеванов за стрипот „ПРИКАЗНА ЗА БЕЗБОЈНОТО МЕЧЕ“ како и Исмет Ердиќ од БиХ за стрипот „ПРЕВИД“.

StripZivotismrt fin

Најдобар македонски стрип е прогласен „Катарза“ на авторот Ѓорги Антевски од Куманово додека наградени се и стрипот на Марија Арсова Велес „ПРЕВЕНЦИЈА ОД КОВИД 16“, за најдобар автор до 14 години , Тамара Мишовска од Скопје за стрипот „КАЛИНКИ“ во категорија до 18 години и Јована Ангелковска од Брвеница за стрипот „УМРЕВ НА ЗАЈДИСОНЦЕ“ како најдобар дебитантски стрип.

Наградата за највозрасен учесник годинава ја добива Тоде Блажевски од Скопје за стрипот „ПОЛИТИЧАРЧЕ“, шест годишната Јана Стојановиќ од Лесковац, Р. Србија за најмлад додека за најмлад учесник од нашата држава е прогласена седум годишната Василиса Радева од Скопје.

Годинешни добитници на наградите за Најдобро сценарио се Предраг Гуриќ од Р. Србија за стрипот „ПОСЛЕДНИОТ ИТАЛИЈАН“ и за Најдобар уметнички израз Ана Tрифуновиќ од Р. Србија за стрипот „СИТНИЦИ“.

Осман Хајдаревиќ ид БиХ, за стрипот „4 ИСТРЕЛИ ЗА СЕМ КАРСОН“ е добитник на наградата за Најдобар цртеж додека Специјална награда од организаторот ја добиваат Марија Јакај од Албанија и Светлин Трендафилов од Бугарија.

StripVrkolak fin

Стрип центар на Македонија-Велес додели и три награди за соработка на Лесковачка школа стрипа од Р. Србија, „ФАНТАСТ“ -уметничко студио на Емилија и Стојче Тоциновски од Скопје како и на проф. Шпенд Бенгу од Албанија.

Според Томе Трајков ,состојбата со КОВИД 19, е причина за намалениот бројот на пријавени стрипови од странство, освен од Балканските земји.

-Од нив посебно го подвлекуваме бројот на пријавени автори од соседна Албанија или само девет. Стрип центарот на Македонија ја продолжува својата улога на организација ментор ,во интерес на развојот на деветата уметност на Балканот. Но ,мораме исто така да подвлечеме дека за прв пат досега ,бројот на пријавени стрип автори од Македонија е поголем од бројот на автори од другите земји, додаде Трајков.

Од вкупно пријавени 176 автори 106 се од Северна Македонија.Постигнат е и квантитет и квалитет. Македонската стрип сцена има солидна кадровска перспектива и потребна и е финансиска поддршка за натамошни активности како што се стрип школи, изданија ,изложби, фестивали, мегународна размена и друго./У.Ј

 

 

SEMM baner MK

Поврзани вести

KOZUVCANKA 2021 01

Х Фактор Акцелератор ја најавува својата нова Инвестициска програма и инвестиции до 100.000 Евра

 

Најактивниот акцелератор во Македонија Х Фактор Акцелератор ја најавува својата нова Инвестициска програма и инвестиции до 100.000 Евра во стартап фирми и дополнителна техничка поддршка, менторство и пристап до компании. Повикот е отворен за пријавување до 15ти Март, со вкупен буџет за инвестиции од 300.000 Евра кои ќе се инвестираат во 3-5 компании.

X Фактор Акцелератор е првиот од трите акцелератори поддржани од ФИТР преку Светска банка, кој во изминатата година реализираше две инвестиции во вкупен износ од 200.000 евра во стартап – тимовите на Матриошка и Vision Dynamix.

Оваа година и покрај предизвиците на корона кризата - X Фактор Акцелератор продолжува да креира средина која го стимулира и поттикнува развојот на новите бизниси преку поддршка на растот за регионална/глобална експанзија.

Кои критериуми треба да ги исполнат стартапите за да аплицираат на повикот?

Што бараме од компаниите како услов за влез во Инвестициската програма:

  • Оформен, искусен и посветен тим,
  • Оформен производ кој е во фаза на пазарна валидација,
  • Продажба на први клиенти,
  • Компанијата да е регистрирана во Р.С.Македонија, со најмалку 51% Македонска сопственост.

Оваа година фокусот е на иновативни решенија од било која дејност, со глобален потенцијал на раст.

 

Што добиваат стартапите во рамки на Инвестициската програма?

Оваа програма има за цел да ги донесе компаниите што побрзо до инвестиција и нови пазари. За таа цел X Фактор Акцелератор ќе започне со преговори за инвестирање и менторска поддршка со 5 до 10 од аплицираните компании преку:

  1. Специјализирана менторска програма спроведена од нашиот тим, како и од искусни ментори од партнерските организации: ФИТР, World Bank, SwissEP, Startup Macedonia, Senior Experts Program.
  2. Покрај експертската помош, акцент ќе ставиме на валидација на постоечките решенија и бизнис модели за пристап до локалните и интернационалните пазари со искусните тимови на нашите корпоративни партнери како Oracle for startups и други локални и глобални корпорации.
  3. Техничка поддршка за компаниите преку унапредување на нивната маркетинг стратегија, дигитално присуство и развој на бренд со тимот на Monday дигитална агенција, дополнителен развој и/или валидација на софтверски решенија со екпертска поддршка на ИТ професионалци од SkillUp Academy и пристап до нови пазари преку 36 Chambers.

Најважниот ресурс кој го добиваат стартапите за време на програмата, освен финансииите е целокупната поддршка за вмрежување и зголемување на видливоста на бизнисите.

Акцелераторот овозможува размена на знаења и искуства помеѓу самите претприемачи, од каде што има огромен потенцијал за произлегување на голем број нови партнерства.

  

Каков е процесот на апликација?

  1. 18.02 Изјавување на Интерес: Апликациите се одвиваат преку нашиот вебсајт со испраќање на краток опис на бизнис идејата со пополнување и прикачување на апликациска форма во коja се објаснува бизнисот,
  2. 09.03 Ask me Anything: Сесија во живо за да праша публиката сѐ што ги интересира;
  3. 15.03 Евалуација: Апликациите кои од страна на Комитетот за евалуација на проекти ќе се оценат дека се најиновативни и имаат потенцијал за раст ќе се квалификуваат за влез во следната фаза;
  4. 20.03 Валидација: Во оваа фаза селектираните тимови треба да поднесат дополнителни документи Pitchdeck, Финансиски проекции, CaseStudy со кои би се потврдиле првичните бизнис концепти и презентирање пред Евалуациониот Комитет;
  5. 01.04 Преговори и Менторство: Вклучување на 5-10 компании во 8 неделна Инвестициона програма и подготовка на компанијата за инвестиција преку, менторство, експертска поддршка, состаноци со потенцијални клиенти и партнери како и преставување на локални и регионални настани. Во текот на програмата тимот на X Фактор Акцелератор ќе го отпочне процесот на Due diligence со тимовите;
  6. 01.06 Демо ден: Стартапите презентираат пред Инвестицискиот одбор и мрежата на партнери, корпорации и инвеститори кои ќе ги одберат компаниите со кои ќе се започнат финалните преговори за инвестиција;
  7. 01.07 Потпишување на Инвестиционен договор: Финализирање на преговарачкиот процес и потпишување договори за инвестиција.

Што да очекувам од X Фактор Акцелератор?

X Фактор Акцелератор има за цел да направи инвестиција во период од 4-6 месеци од аплицирање во програмата во износ од 30.000 до 100.000 евра по компанија, зависно од фазата на развој. X Фактор Акцелераторот има за цел да стане малцински содружник, со процентуален удел во компанијата кој е предмет на преговори. Претставник на акцелераторот ќе добие место во бордот на директори и континуирано ќе помага во донесување на стратешки одлуки и поврзување на компанијата со потенцијални партнери, клиенти и интернационални инвестициони фондови.

 

Овогодинешниот повик официјално е започнат и вашите апликации ги очекуваме до 15ти Март 2021 година преку веб страната на Х Фактор Акцелератор: http://xfacc.mk/

Одговорно лице за контакт: Јозефина Симитчиева 078 377 504

 
   
   
   
   

Најново