Submit to FacebookSubmit to Google PlusSubmit to TwitterSubmit to LinkedIn

SvPantelejmon naslovna

Велешката соборна црква „Свети великомаченик Пантелејмон“ не е најстара црква во Велес, но сепак отскокнува со својата архитектура и детали кои ги вградил во неа папрадишкиот мајстор Андреа Дамјанов. Дамјанов зад себе оставил многу импозантни сакрални, но и други градби кои го прославија во времето во кое живееше. Тоа му го признал директно и турскиот султан, наградувајќи го со редок подарок кој не им се доделувал често на христијани. Султанот, за градбата во Сараево, на Дамјанов му доделил сабја и право да ја носи.

SvPantelejmonmasonskisimboli

За Дамјанов е пишувано и се знае многу. Ако првично се знаело за неговата припадност во масонството не можам да претпоставам дали ќе бил добро и доволно прифатен. Она што знам е дека и денес црквата не го прифаќа овој податок како и дека масонските симболи кои Дамјанов ги оставил на ѕидовите на најубавата велешка сакрална градба се криени и покривани со слики и икони.

grobDamjanov2

Дека навистина Дамјанов бил масон потврдува и орнаментиката на неговиот гроб, за кој многумина до неодамна и не знаеја каде е се наоѓа. На надгробната плоча нема име, а крстот на гробот е изработен необично за наши услови и ги носи симболите на детелинката, која била прифатена и од француските кралеви. 

За Андреа Дамјанов ќе ги споделам и следниве информации до кој дојдов: направил куќа под Којник, станал велешанец, додека за причината на неговата прерана смрт, на 63 годишна возраст, порано се говорело дека е отровот на еден велешки егзархиски владика со кого градителот и неимар вербално влегол во конфликт токму поради некои детали во црквата.

Иако за масоните и масонеријата кај нас малку се знае, за Дамјанов, се претпоставува дека е припадник на француска ложа која го примила при неговиот престој во Париз. Како градител, токму во црквата „Св.вм.Пантелејмон“ искористил неколку масонски правила кои се среќаваат при градби на сакрални објекти.

Имено, црквата е вовлечена скоро 4 метри со својот западен ѕид во природна пештера во која постоел извор на питка вода, која велешани ја користеле за пиење и поење на стоката. При градбата изворот е каптиран и водата е спроведена до чешмите и мраморните корита кои биле поставени веднаш до јужниот ѕид и влез во црквата. Каптажата има и втор, преливен цевовод од керамички, турски, цевки за водовод кои ја носат вишокот вода под подот на црквата се до источниот ѕид со која била окружена.

SvPantelejmonstarafotka

Денес нема ни трага од тој ѕид , бидејќи камењата се употребени за градба на гробиштата. Веројатно и цевоводот е оштетен, па водата неконтролирано се слева во долот по карпите и се појавува веднаш спроти влезната порта на куќата на Касапови. Некои таа вода ја сметаат за света, лековита , па е направена мала каптажа со икона, на патот спроти куќата на Касапови.

За изворот зад црквата постои легенда според која е именуван како „Самовилска вода“. Од она што сум пишувал сега само накратко ќе споменам дека многу одамна до изворот било пронајдено тело на мртво детенце, единец на мајко и татко. Тоа не се вратило вечерта навреме дома откако со повеќе маалски другарчиња ја напасиле стоката на Вршник, каде имало сочна трева. Суеверието создало приказна дека самовили доаѓале на изворот на полноќ и тука играле. Кога го нашле детето, го земале во самовилското оро и му ја зеле душата. Тоа е легендата. Но, се раскажува дека таткото бил богат трговец и одлучил да му направи гроб на синот токму на местото каде било најдено. Гробот бил со мермерна плоча и крст од мермер. Местото било осветено, па се пренела вест дека водата лекува и по некое време е изградено манастирче и конак, каде доаѓале и преспивале жени кои немале пород.

Кога Дамјанов одлучил да ја гради црквата било договорено се` што се наоѓа на местото да не се отстранува, мислам на мермерните плочи, додека пак дрвјата кои морале да се исечат да се употребат во изградбата. Дури и камењата морале да останат на место.

SvPantelejmon plocaso plocki

И денес кога влегувам во црквата, честопати погледнувам на левата страна пред олтарот, помеѓу двата големи столбови. Таму постои плоча со натпис и неколку долги и потенки ишарани мермерни плочи кои несомнено му припаѓале на некој мал гроб. Дали можеби приказната е вистинита? Не можам да кажам со сигурност, а моите настојувања да одгатнам нешто од натписот досега се неуспешни. Но сепак, никогаш не газам на оваа плоча.

SvPantelejmon naslovna

Фотографија од 1902 година

Интересно е кажувањето дека извесен период црквата имала дрвен под. Тоа го потврдува фотографија на француски фотограф кој во 1902 година ја фотографирал внатрешноста на црквата. Според кажувања дрвениот под бил изваден по една многу студена зима затоа што на голем верски празник подмрзнал и на него попадија се излизгала, паднала и ја скршила ногата.

Сум слушал и забележувал и други приказни за тоа дека црквата крие повеќе тајни. Некои велеа дека под подот постоела просторија во која биле криени реликвии, злато и слично. Се споменува и дека поглед на светец од икона, на иконостасот, точно е вперен во местото каде било закопано богатството! Да ја напишам и приказната во која се вели дека на средината на подот на црквата, на местото каде на празникот „Распетие“ се поставува крстот на кој е распнат Исус се наоѓа камен круг во вид на француска розета, еден од масонските симболи на Дамјанов со асоцијација дека наводно тоа е местото на тајниот влез. Не можам да верувам во вакви приказни.

SvPantelejmonmestoraspetie

Кога се спомнува токму ова место јас ќе напишам дека сигурно е доколку застанете на него ќе го слушнете најубавиот звук од гласот на свештеник кој држи литургија, пее хор или свири инструмент во внатрешноста на црквата. Независно кон која страна на градбата да сте завртени, звукот е со иста јачина, избалансиран и извонреден. Акустиката на црквата е најголемото богатство кое Дамјанов ни го оставил.

Треба да му бидеме вечно благодарни за преубавото здание кое го краси Велес. Треба да го чуваме и почитуваме овој храм, а приказните нека си останат приказни.

Пишува: Љупчо Данов

 

 

SEMM baner MK

Поврзани вести

lifer gif 300x250 Duma

 

Duma Banner

ezgif.com video to gif1

baner i od veles se moze

E baner

Konsalting Jovevi

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен велосипед (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен велосипед за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен велосипед за 2020 година

 

  1. Опис на јавниот повик

 

Општина Велес на физичките лица кои ќе купат велосипед од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување велосипед.

На барателот ќе му се надоместат дел од трошоците направени при набавка на велосипед во висина од 50% од вредноста на велосипедот, но не повеќе од 3.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат велосипед од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на велосипед, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на велосипед од било кој извор во Република Северна Македонија (не го искористил правото на субвенционирање по овој основ),
  • велосипедот да го купил од денот на објавување до денот на завршување на Jавниот повик, односно до исцрпувањето на буџетот за оваа намена,
  • купениот велосипед да не биде помал од 24” (инчи), односно 60,96 санитметри, односно да одговара на популација деца кои не се помали од 8-9 години.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • фотокопија од трансакциска сметка на барателот,
  • доказ дека е извршено купување на велосипед и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на Jавниот повик, односно до денот на исцрпување на средствата по овој основ,
  • изјава дека барателот нема искористено право на поврат на средства за набавка на велосипед на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината).

            Едно физичко лице може да поднесе само едно барање за добивање на субвенција за еден велосипед.

Барањето за надоместување на дел од трошоците  за купен велосипед, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување велосипед”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен велосипед.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

Градоначалникот на Општина Велес на предлогот на Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето. Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на јавниот повик за барателите кои не ги исполниле условите од јавниот повик.

 

 

 

                                                                   ОПШТИНА ВЕЛ

Согласно член 4 од Правилникот за условите, начинот и постапката за користење на финансиски средства од Буџетот на Општина Велес за субвенционирање на физички лица од подрачјето на Општина Велес за купен сончев термален колектор (Службен гласник на Општина Велес бр. 06/20), а во врска со Одлуката за определување на максимален износ на доделување на поединечна субвенција на физичко лице за купен сончев термален колектор за 2020 година (Службен гласник на Општина Велес бр. 06/20), Општина Велес објавува

ЈАВЕН  ПОВИК

за субвенционирање на физички лица за купен сончев термален колектор

за 2020 година

 

  1. Опис на јавниот повик

 

Општина Велес на физичките лица кои ќе купат сончев термален колектор од денот на објавувањето на јавниот повик 27.05.2020г., заклучно со 26.06.2020г. ќе им субвенционира дел од трошоците направени при купување сончев термален колектор.

На барателот ќе му се надоместат дел од трошоците направени при набавка на сончев термален колектор во висина од 50% од вредноста на сончевиот колектор, но не повеќе од 20.000,00 денари по лице, со вклучен персонален данок на доход.

Јавниот повик ќе се реализира по принципот „прв дојден, прв услужен“.

  1. Право на учетво на јавниот повик

 

Право на учество на овој Јавен повик имаат физички лица кои ќе купат сончев термален колектор од денот на објавата на јавниот повик па се до 26.06.2020г., ќе поднесат барање за надоместување на дел од трошоците за набавка на сончев термален колектор, а кои ги исполнуваат условите од овој Јавен повик.

  1. Услови што треба да ги исполни барателот

Физичкото лице/барател е должно да ги исполни следниве услови:

  • да е жител на Општина Велес,
  • да нема добиено финансиски средства за набавка на сончев термален колектор од било кој извор во Република Северна Македонија (не го искористил правото на субвенционирање по овој основ),
  • сончевиот термален колектор да го купил од денот на објавување до денот на завршување на јавниот повик, односно до исцрпувањето на буџетот за оваа намена,
  • сончевиот термален колектор да биде инсталиран на адресата на живеење наведена во личната карта на барателот,
  • станбениот објект да не е во фаза на градба и во него барателот да живее,
  • само едно лице од домаќинството може да поднесе барање за добивање на надоместок.
  1. Начин на пријавување на јавниот повик

Барателот за добивање субвенција е должен да ја поднесе следната документација:

  • Барање за субвенција (Барањето може да се подигне во архивата на Општина Велес или да се обезбеди од интернет страницата на Општината: www.veles.gov.mk),
  • фотокопија на важечка лична карта на барателот, како доказ дека е жител на Општина Велес,
  • изјава дека барателот и членовите на неговото семејство/домаќинство немаат искористено право на поврат на средства за набавка на сончев термален колектор на друг јавен повик од било кој извор во Република Северна Македонија (Изјавата може да се подигне во архивата на Општина Велес или да се превземе електронски од веб страната на општината),
  • фотокопија од трансакциска сметка на барателот,
  • доказ дека е извршено купување на сончев термален колектор и тоа: фискална сметка во оригинал или фактура со извод од деловна банка, со датум од денот на објавувањето до денот на завршувањето на јавниот повик, односно до денот на исцрпување на средствата по овој основ,
  • потврда за платен данок на имот за станбениот објект каде е инсталиран сончевиот термален колектор заклучно со претходната година пред објавување на јавниот повик.

Барањето за надоместување на дел од трошоците за купен сончев термален колектор, заедно со потребната документација се поднесува во архивата на Општина Велес, на ул. Панко Брашнар бр. 1 Велес, секој работен ден од 07.30 до 15.30 часот, во затворен плик.

На пликот треба да е наведено: “Јавен повик за надоместување на дел од трошоците на физички лица за купување сончев термален колектор”.

Архивата на Општина Велес примените барања ќе ги евидентира со точното време на поднесување (датум, час и минута), заради воспоставување редослед по кој ќе се разгледуваат барањата.

  1. Начин на спроведување на Јавниот повик

 

За спроведување на Јавниот повик, Градоначалникот формира Комисија за спроведување на постапката за субвенционирање на физички лица за купен сончев термален колектор.

Општина Велес дополнително ќе ја извести јавноста за продолжување на рокот и по изминување на рокот од овој Јавен повик заради целосно исцрпување на средствата.

Финансиските средства ќе се сметаат за исцрпени односно доделени кога на предлог на Комисијата, Градоначалникот на Општина Велес ќе донесе решение за исплата на средствата.

  1. Начин на остварување на правото на надоместок

По секое поединечно комплетно барање, Комисијата врши увид дека колекторот е купен и инсталиран во живеалиштето според личната карта на барателот, дека станбениот објект не е во фаза на градба и во него барателот живее.

Барателот е должен да и овозможи пристап на Комисијата до станбениот објект и просторот каде е инсталиран сончевиот термален колектор.

Од извршениот увид Комисијата изготвува записник со приложена фотодокументација.

Градоначалникот на Општина Велес на предлог од Комисијата носи решение за одобрување на барањето за барателите кои ги исполниле условите согласно Јавниот повик и исплата во рок од 30 дена од објавувањето на листата на физички лица за кои е донесено решение за одобрување на барањето.

Уплатата на персоналниот данок на доход кој се одбива од доделената поединечна субвенција ќе ја изврши Општина Велес.  

Градоначалникот на Општина Велес на предлог на Комисијата носи решение за одбивање на барањето во рок од 20 дена од денот на завршувањето на Јавниот повик за барателите кои не ги исполниле условите од овој Јавен повик.

 

 

 

                                                                    ОПШТИНА ВЕЛЕС

 
   
   
   
   

Најново